web counter
LEXO PA REKLAMA!

SHKARKO APP

App Store
Google Play

‘Arjola Kodra e firmosi vetë burgun’/ Gazetari: Si gënjeu publikisht administratorja e inceneratorit të Tiranës

16 Nëntor 2022, 22:47, Aktualitet CNA
‘Arjola Kodra e firmosi vetë burgun’/ Gazetari: Si gënjeu
Gazetari Elvi Fundo

Gazetari Elvi Fundo ka bërë një deklaratë të fortë mbrëmjen e sotme për Arjola Kodrën, administratoren e inceneratorit të Tiranës, e cila u shpall në kërkim për aferën me inceneratorët.

Fundo tha në emisionin “Now” me Erla Mëhillin se Kodra e ka firmosur vetë burgun e saj, pasi deklaroi se ka gënjyer në dëshminë para komisionit hetimor parlamentar.

“Zonja Arjola Kodra, ndoshta e ka firmosur vetë burgun e saj, për shkak se ka gënjyer në komisionin hetimor parlamentar. Ajo në fakt është marrë mesa di unë për shkak se ka punësuar babain e Alqi Bllakos, i cili ka marrë një rrogë rreth 6 mijë euro në muaj”, u shpreh ai.

Gazetari zbuloi se Kodra ka gënjyer për kohën e nisjes së punimeve për inceneratorin e Tiranës në komisionin hetimor parlamentar.

“Zonja ka shkuar në komisionin hetimor parlamentar dhe ka gënjyer si në rastin për shkak të shtyrjes së afatit të punimeve. Zonja live në televizion tha se ne nuk e kemi bërë inceneratorin e Tiranës sepse dy vjet, 2019 dhe 2020 nuk punuam, jo pandemia, jo këto, por Qeveria na e ka dhënë në nëtor të 2019-ës lejen e ndërtimit, ndërkohë që kontrata koncesionare është firmosur në 31 gusht të 2017-ës.

Pra, zonja pretendonte se dy vjet nuk kishte ndërtuar inceneratorin se Qeveria nuk i kishte dhënë lejen e ndërtimit. Në fakt, ka gënjyer sepse kompania “Integrated Energy B.V.”  ka kredituar TVSH te VIP-at. Ose ka ndërtuar pa leje zonja sepse ka kredituar TVSH në 2018-ën, 2019-ën, ndërkohë që lejen e ka marrë në 2019-ën, ose ka ndërtuar pa leje, ose ka punuar se nuk më dalin llogaritë”, deklaroi Fundo./ B.A. – CNA.al





Lajmet e fundit nga