LEXO PA REKLAMA!

SHKARKO APP

Rritja e forcës goditëse të ligjit ndaj krimit/ Zbulohen detajet e takimit “kokë më kokë” mes Rrumbullakut dhe Çelës

16 Nëntor 2022, 16:52, Aktualitet CNA
Rritja e forcës goditëse të ligjit ndaj krimit/  Zbulohen detajet
Foto ilustruese nga takimi mes Muhamet Rrumbullakut dhe Olsian Çelës

Kreu i Policisë së Shtetit Muhamet Rrumbullaku ka zhvilluar një takim me Prokurorin e Përgjithshëm, Olsian Çela.

Gjatë takimit është diskutuar për forcimin e bashkëpunimit mes prokurorive të juridiksionit të përgjithshëm dhe strukturave të Policisë së Shtetit, me qëllim rritjen e kapaciteteve profesionale të strukturave të hetimit.

Si Rrumbullaku ashtu dhe Çela kanë vlerësuar ndërveprimin e derimëtanishëm institucional si dhe janë diskutuar hapat që duhet të ndërmerren për rritjen e kapaciteteve profesionale të strukturave të hetimit.

Sipas dy drejtuesve në këtë kuadër, do të maksimizohen mundësitë për bashkërendimin e masave që do të rritin efikasitetin e hetimeve për një sërë veprash penale. 

Gjithashtu u ra në dakord për rëndësinë e harmonizimit të prioriteteve në funksion të miradministrimit dhe përdorimit efikas të burimeve njerëzore dhe atyre teknike, duke synuar rritjen e forcës goditëse të organeve ligjzbatuese, ndaj fenomeneve kriminale që cënojnë rendin dhe sigurinë publike./ CNA.al

Lajmet e fundit nga