Akuzat për Portin e Durrrësit/ Balluku tregon pse po sulmon opozita

16 Nëntor 2022, 11:40, Aktualitet CNA

Akuzat për Portin e Durrrësit/ Balluku tregon pse po sulmon opozita

Foto ilustruese

Ministrja e Infrastrukturës dhe Energjetikës, Belinda Balluku, ka prezantuar sot projektligjin “Për miratimin e marrëveshjes kuadër ndërmjet Këshillit të Ministrave të Republikës së Shqipërisë dhe Eagle Hills Real Estate Development, Albanian Seaports Development Company, sh.a., dhe Nshmi Development L.L.C, për projektin e investimit strategjik “Marina & Jahtet e Durrësit”.

Balluku ka bërë me dije se nga investium strategjik për vendin, do të përfitojë Durrësi ndeërsa ka theksuar se në fund të kontratës ky investim do t’i kalojë shtetit.

Ndër të tjera, zëvendëskryeministrja i është përgjigjur akuzave të opozitës duke thënë se për ta nuk është i këndshëm një investim prej 2 miliardë eurosh ndaj dhe sulmojnë qeverinë.

“Durrësi nuk do të humbas, por do të ketë 20% hapësirë publike të vënë në dispozicion. Investitori strategjik do të paguaj 2% të të ardhurave. Pronësia pas kontratës do t’i transferohet Ministrisë së Infrastrukturës. Ky është funksion perfekt i ligjit të Koncesioneve. Marina i kthehet shtetit me përfundim e afatit ligjor. Komiteti negociator ka bërë një punë të shkëlqyer. Është një procedurë e kulluar për 12 muaj të tërë. Në tavolinë kemi bërë takime me firmë dhe konsensus të plotë./ Historitë me afera janë çështje të politikës së ditës. Se nuk është e këndshëm për një opozitë si kjo që sot të durojë një investim 2 miliard eurosh. Por duhet ta konsiderojnë si një arritje të shqiptarëve dhe jo vetëm e qeverisë. Durrësi është një vend që gëzon bujari të Zotit, diellin detin rërën. Duhet ta shikojë si kontribut për të gjithë Shqipërinë dhe jo ta bëjnë alien me shprehje Afera Korruptive. Por nuk ka afera korruptive me negociata 12 mujore. Me çdo hap që është regjistruar dhe arkivuar. Nuk ka volum shkresor në asnjë projekt tjetër më të madh se ky, apo angazhim njerëzor. Nuk është politik por teknik dhe profesional. Me krenarinë më të madhe dhe jo me frikë e fshehje. Kemi punuar ditë e natë. I bëtë lecka këto burra e gra këtu.Ka pasur zyra avokatie në këtë proces, uluni dhe flisni me ta. Pyetini për cilësinë e kontratë dhe për punën serioze, Janë kolegët tuaj dhe miqtë tuaj. Kanë punuar seriozisht. Merrni zotin Alabar dhe kur e hidhni baltën dhe pasdite uleni me kolegë dhe u thonë ata që po bëni luftë kot. Nuk fshiheni dot pas buzëqeshjes” ka deklaruar Balluku./ CNA.al