web counter
LEXO PA REKLAMA!

SHKARKO APP

App Store
Google Play

E fundit!

x

Arrestohet biznesmeni për inceneratorin e Fierit

16 Nëntor 2022, 11:06, Aktualitet CNA

Arrestohet biznesmeni për inceneratorin e Fierit
SPAK, po bën disa arrestime për inceneratorin e Fierit dhe të Elbasanit.

CNA.al mëson se një nga të arrestuarrit është biznesmeni Arben Dërvishaj.

Arben Dervishaj ka qenë supervizori në landfillin të Sharrës, i cili u kontraktua nga kompania koncensionare për të mbikëqyrur punimet për ndërtimin e projektit.

Arrestohet biznesmeni për inceneratorin e Fierit
Arben Dervishaj

Dërvishaj dyshohet se ka përfituar mbi 740 mijë dollarë ose 744 milionë lekë të vjetra për konsulencën e dhënë për inceneratorët, pronarit të kompanive Klodian Zoto.

Paratë rezultojnë të jenë marrë në 4 vite të ndryshme, përmes 21 faturave nga 2018-2021, në shuma te ndryshme që variojnë nga 80 milionë lekë të vjetra deri në 313 milionë lekë të vjetra në vit. Emri i tij doli në skenë në dëshminë që dha në Komisionin Hetimor për Inceneratorët, administratorja e koncesionit të Tiranës, Arjola Kodra.

Administratorja Kodra ka bërë të ditur se firma e “Integrated Energy BV SPV”, ka paguar konsulencën për kompaninë “Ave Consulting” sh.p.k.

Të arrestuar janë edhe anëtarë të Komisionit të Vlerësimit të Ofertave./CNA.al





Lajmet e fundit nga