web counter
LEXO PA REKLAMA!

SHKARKO APP

App Store
Google Play

“Kokat” e aferës së inceneratorëve, ende në arrati/ Shehaj: Dekonspirim nga organet e drejtësisë

16 Nëntor 2022, 21:15, Aktualitet CNA
“Kokat” e aferës së inceneratorëve, ende në
Koordinatorja Kombëtare e Luftës kundër Korrupsionit në Partinë e Lirisë, Brisida Shehaj

SPAK lëshoi sot 11 urdhër-arreste për aferën e inceneratorëve, nga të cilët u arrestuan 5 persona, “kokat” e kësaj afere, Mirel Mërtiri, Stela Gugallja dhe Klodian Zoto vijojnë të jenë në arrati.

Mosvënien e këtyre të fundit në pranga, koordinatorja Kombëtare e Luftës kundër Korrupsionit në Partinë e Lirisë, Brisida Shehaj, e sheh si dekonspirim nga organet e drejtësisë.

Në një prononcim për CNA.al, Shehaj tha se nuk e di nga kush institucion ka ardhur ky dekonspirim, por theksoi se nuk është normale që “kokat” e aferës së inceneratorëve nuk janë kapur.

“I bie të jetë një dekonspirim po nga organet e drejtësisë. Nuk di të them se është SPAK apo është bërë nga Policia e Shtetit njoftimi, organi ku çohen urdhër-arrestet për tu zbatuar, por që nuk është normale që gjithë këta që janë koka janë të zhdukur dhe janë në arrati. Pastaj dhe nuk di nëse policia dhe prokuroria kanë lëshuar urdhër-arreste ndërkombëtare, apo kanë dërguar shkresa nëpër shtete të ndryshme që mund të dihet ku janë, siç diskutohet edhe për zonjën Stela Gugallja që fëmijët e saj janë të regjistruar në një shkollë në Austri, ku fare thjeshtë mund të merret vesh nga shteti shqiptar nëse kjo është e vërtetë. Kështu që nuk më duket se është serioze si kjo që po ndodh me pjesën e arrestimeve, si ajo çka po ndodh me pjesën e hetimeve”, deklaroi ajo./ B.A. – CNA.al





Lajmet e fundit nga