LEXO PA REKLAMA!

SHKARKO APP

Këlliçi shënjestron Veliajn/ Mesazhi për mediat: Investigoni vajtjet e lalit në Azi

16 Nëntor 2022, 18:36, Aktualitet CNA
Këlliçi shënjestron Veliajn/ Mesazhi për mediat:
Deputeti demokrat Belind Këlliçi

Deputeti demokrat Belind Këlliçi, e ka konsideruar projektin e Portit të Durrësit, si vjedhjen që sfidon ambicien e çdo mafizoni në botë.

Në një postim në rrjetet sociale, Këlliçi  ka komentuar marrëveshjen për projektin duke thënë se marrin falas 3 miliardë euro truallin, ndërtojnë aty 12600 apartamente dhe në këmbim i japin shtetit shqiptar 200 mijë euro në vit, sa vlera e një ose dy apartamenteve.

Ndër të tjera, Këlliçi e vijon deklaratën e tij duke iu drejtuar mediave me një mesazh, që të investigojnë vajtjet e kryebashkiakut Erion Veliaj në Azinë e Largët, në vend që të rraskapiten duke komentuar opozitën.

Durrësi, Ballkoni i Adriatikut, porti i Shqipërisë dhe i Kosovës, përpunon sot rreth 4 milionë tonë mallra.

Marrëveshja thotë, ata marrin falas 3 miliardë euro truallin, ndërtojnë aty 12600 apartamente dhe në këmbim i japin shtetit shqiptar 200 mijë euro në vit, sa vlera e një ose dy apartamenteve. Një vjedhje që sfidon ambicien e çdo mafiozi në botë.

Mashtruan një popull sikur po i begeniste Emiri i Dubait, princi i kurorës apo sheiku filan. Mbushën media e portale dhe në fund dolën ata që janë, sekserë që vegjetojnë në politikë me përqindjet e lejeve të ndërtimit. Firmë në këmbim të parasë.

I drejtohem mediave që u rraskapitën duke komentuar opozitën. Investigoni vajtjet e lalit tuaj në Azinë e largët”, shkruan Belind Këlliçi./ CNA.al

Lajmet e fundit nga