LEXO PA REKLAMA!

SHKARKO APP

Operacioni dhe arrestimet për inceneratorët/ Këlliçi i ‘tërheq veshin’ SPAK-ut: Shqiptarët nuk duan cironkat, por peshqit e mëdhenj

16 Nëntor 2022, 17:40, Aktualitet CNA
Operacioni dhe arrestimet për inceneratorët/ Këlliçi i
Deputeti demokrat Belind Këlliçi

Deputeti demokrat Belind Këlliçi ka komentuar operacionin e SPAK dhe arrestimet për inceneratorin e Fierit.

Në një reagim ekskluziv për CNA.al, Këlliçi i ka tërhequr veshin SPAK, duke thënë se po gjuan cironka ndërsa shqiptarët duan peshqit e mëdhenj.

Deputeti thotë se është arrestuar pankina, formacioni i dytë. Më tej shton se titullarët po shijojnë lirisht paratë e shqiptarëve duke përmendur emrat e kryeministri Edi Rama, kryebashkiakut Veliaj, Arben Ahmetajt, Engjëll Agaçit.

Sipas deputetit, kur SPAK të shfaqë këllqe për të luftuar mafian e inceneratorëve, atëherë do të marrë respektin dhe besimin e shqiptarëve.

SPAK gjuan cironka. Shqiptarët duan peshqit e mëdhenj dhe i duan sot!

Është arrestuar pankina, formacioni dytë. Titullarët shijojnë lirisht paratë e shqiptarëve.

1. Edi Rama

2. Erion Veliaj

3. Arben Ahmetaj

4. Engjëll Agaçi

Me këta a merret dot SPAK?

Shqiptarët nuk do të bien në grepin e titujve sensacionalë. Kur SPAK të shfaqë këllqe për të luftuar mafian e inceneratorëve, atëherë do të marrë respektin dhe besimin e shqiptarëve”, ka thënë Këlliçi për CNA.al./ CNA.al

Lajmet e fundit nga