E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Si nisi vjedhja me inceneratorët/ Gazetari: Lidhja e atij të Fierit me të Elbasanit

16 Nëntor 2022, 22:18, Aktualitet CNA

Si nisi vjedhja me inceneratorët/ Gazetari: Lidhja e atij të Fierit me

Gazetari Elvi Fundo

Gazetari Elvi Fundo ka treguar mbrëmjen e sotme se si ka nisur vjedhja në inceneratorin e Fierit dhe se si është i lidhur me inceneratorin e Elbasanit.

Fundo shpjegoi në emisionin “Noë” me Erla Mëhillin se gjithçka ka nisur me krijimin e kompanisë “Integrated Technology Waste Treatment Fier” me aksionerë Klodian Zoton dhe shtetasin italian, Ernesto Granelli.

Ai rrëfeu se si Granelli i shiti aksionet e tij tek “Integrated Technology Waste Treatment Fier” dhe si rezulton aksioner tek një tjetër kompani në ortakëri me Stela Gugalljan e inceneratorit të Fierit, që është gjithashtu bashkëjetuesja e Mirel Mërtirit.

“Çfarë ka ndodhur me Fierin. Si fillon, me krijimin e kompanisë “Integrated Technology Waste Treatment Fier”, e cila ka dy persona Klodian Zoton dhe Ernesto Granellin, ky i fundit me 30% të aksioneve, të cilat ia shet një kompanie tjetër në Fier, e cila quhet “Ndërtim Montim Patos sh.p.k.” dhe largohet. Pse e thashë Ernesto Granellin?

Ernesto Granelli është një italian, i cili ka një tjetër kompani, që quhet “ER One”. Sipas ekstraktit të QKR-së, ky zotëria është 60% aksioner, ndërkohë që 40% është zonja Stela Gugallja, që është pronarja e “Alb Tech Energy”, pra e inceneratorit të Elbasanit dhe administrator i kompanisë është Mirel Mërtiri. Kështu lidhet Fieri me Elbasanin.

Gjithashtu, kompania “ITS”, e cila është ajo që ka marrë koncesionin e Fierit, pra Klodian Zoto, tek ekstrakti i tij në QKR figuron me adresë sekomndare në Fushë Mbret, në Elbasan, atje ku ndërtohet inceneratori i Elbasanit.

Pra, Fieri, Elbasani dhe Mirel Mërtiri, Stela Gugallja dhe Klodian Zoto lidhen të gjithë nëpërmjet dokumentave që ndodhen në Qendrën Kombëtare të Biznesit dhe shkëmbimit të parave, të faturave”, theksoi gazetari./ B.A. – CNA.al