LEXO PA REKLAMA!

SHKARKO APP

E fundit!

x

Morali i betejës së “Topit” me Ramën

3 Nëntor 2022, 12:02, Aktualitet CNA

Morali i betejës së “Topit” me Ramën

Rrufe në qiell të hapur, ishin kronikat e "Top Channel", apo lajthitjet mediatike të llojit “qeverisë i kanë vënë 30 milionë euro gjobë hakerat”.

Ky është një nga lajmet që kryeministri e përgënjeshtroi dhe talli "Top Channel"-in, por ky nuk ishte fillimi, ishte rrufeja e parë, që pas disa javësh dhe muajsh do të sillte stuhinë e "Top Channel"-it mbi Edi Ramën dhe qeverinë e tij.

Morali i betejës së “Topit” me Ramën

Duhet t’i shohim të dyja palët, si janë sjellë me njëra-tjetrën. Çfarë ka bërë "Top Channel", këto 9 vite të pushtetit të Edi Ramës? I ka mbajtur iso qeverisë.

Ka marrë para nëpërmjet skemave që kalonin nga xhepat e shqiptarëve te fituesit e koncensioneve dhe më pas në llogarinë e "Top Channel", që ky televizion kombëtar, t’u thoshte shqiptarëve “O sa të lumtur jetojmë ne në pishkash”.

"Top Channel" është përdorur si një mitraloz kundër gjyqtarëve të caktuar për interesat klienteliste, të një pjese të aksionerëve. Ka një konflikt gjyqësor, ende është e paqartë pronësia. Ka sulmuar biznesmenë, të cilët kanë thënë se kanë pasur gjobëvënie, për më tepër ka shkuar edhe ne prokurori.

"Top Channel" ka sulmuar bizneset dhe më pas janë fshirë kronikat dhe lajmet.

Sulme-tërheqje, mbushje llogarish, të cilat "Top Channel" i ka gjithnjë e më shumë bosh për shkak të kostove, të kësaj makinerie mediatike, por edhe shpenzimeve të çmendura të luksit të shfrenuar të disa prej aksionerëve.

Moral i "Top Channel" në të gjithë historinë e viteve të fundit është, merr para nga qeveria, nëpërmjet skemave mjaft të qarta siç janë inceneratorët, apo PPP-të e paguara nga xhepat e shqiptarëve të varfër, që kalojnë më pas në xhepat e kasionerëve të "Topit".

"Top Channel" nuk ka më shumë moral sesa konsumi politik i qeverisë këto 9 vite. "Top Channel" ka njollën  e zezë të mbështetjes publike të aferës së inceneratorit.

Të mos harrojmë, kazani i plehrave të inceneratorëve, ziente në ekranin e "Top Channel" duke propaganduar investimin skandaloz dhe korruptiv në Elbasan, ku një kazan me naftë kërkon qindra mijëra euro të mbahet ndezur, inceneratorin e Fierit që ende nuk punon apo atë të Tiranës, ku thuhet se është vonuar leja e ndërtimit, ndërkohë që nga llogaritë e kompanisë koncensionare janë mbushur me para xhepat e "Top Channel" dhe aksionerëve të tij.

Morali i "Top Channel" nuk ka moral.

Për pjesën e sulmeve të kryeministrit Rama, apo reagimet e tij të ashpra ndaj "Topit", thjeshtë mund të thuhet se atij i ka shijuar dhe pëlqyer propaganda e "Topit" këto shumë vite.

Por ka një të drejtë, politika nuk ka moral, mund të luajë dhe të përdorë pikërisht me ata që s’kanë moral, ndaj beteja e tij me "Top Channel" është një barazim që do përfundojë me gojën e mbyllur të "Topit", që pas disa ditësh apo javësh do të na thotë “Sa të lumtur jetojmë në plehrat e Sharrës”.

Beteja pa moral e "Topit" do të mbarojë pa lavdi, është thjeshtë e përkohshme për një “shuk” me lekë./CNA.al

Lajmet e fundit nga