E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

Thellohet skandali në Pejë/ Një tjetër e moshuar është keqtrajtuar në azil, dëshmia e qytetarit

2 Nëntor 2022, 20:52, Aktualitet CNA

Thellohet skandali në Pejë/ Një tjetër e moshuar

Punonjësja Aurona Pelaj që dhunoi të moshuarën

Thellohet skandali i dhunës ndaj të moshuarës në shtëpinë e të moshuarve në Pejë “Orenda” nga punonjëset e këtij institucioni.

Një qytetar i quajtur Tomor Hasani ka denoncuar në media se një tjetër e moshuar është keqtrajtuar në azil dhe bëhet fjalë për një të afërme të tij. Ai tha se halla e babait është keqtrajtuar nga infermieret.

“Gjyshi im ka shkuar të vizitojë motrën e vet dhe kur kanë filluar të bisedojnë ajo ka nisur të qajë dhe ka treguar që infermieret po sillen keq me të”, u shpreh qytetari.

Hasani theksoi se nuk e di nëse bëhet fjalë për dhunë fizike apo psikologjike.

“Për keqtrajtim fizik nuk e di që ka pasur, mirëpo ndoshta prej frikës nuk ka treguar… Nuk e di, nuk mund të them asgjë për keqtrajtim fizik, mirëpo ajo ka thënë se verbalisht infermieret janë sjellë keq. Përshembull, natën kur ka pasur nevojë, nuk ka marrë ndihmë prej infermiereve”, tregoi ai.

Njëra rrihte të moshuarën, dy të tjerat qeshnin/ Kush janë punonjëset e azilit që u arrestuan nga policia
2 Nëntor, 20:27

Hasani tregon për gazetën "Express" se vitin e kaluar ka dërguar një ankesë në Ministrinë e Punës dhe Mirëqenies Sociale, por nuk ka marrë përgjigje.

“Kam dërguar e-mail në ministri, s’kam marrë përgjigje. Mirëpo kam marrë nga drejtori, i cili më ka thënë ‘pse ke vepruar në mënyrë të njëanshme, e nuk na ke lajmëruar neve’ dhe u ka bërë presion fëmijëve të hallës së babait që të tërheqin ankesën, por unë nuk e kam tërhequr”, tha qytetari.

Më tej, ai deklaroi se nuk e di nëse familjarja e tij qëndron ende në këtë azil.

“Fëmijët janë marrë me atë punë, se ata kanë qenë të mllefosur me mua se janë frikësuar se po hakmerren infermieret”, tha Hasani.

Dhuna makabre në Pejë/ Flet vajza dhe dhëndri i të moshuarës
2 Nëntor, 19:15

Qytetari ka publikuar edhe e-mailin që ka dërguar në Ministrinë e Punës dhe Mirëqenies Sociale.

“Përmes kësaj shkrese dua të ndaj me ju një ankesë të familjares sime, e cila është e moshuar. “Orenda” në Pejë (Rruga “Maria Shllaku”, nr 12). Ajo ankohet se infermieret në këtë rezidencë kanë sjellje të pahijshme ndaj të moshuarve që janë të vendosur aty. Kjo ndodh posaçërisht në ndërrimin e natës, kur të moshuarave me nevoja të veçanta u nevojitet ndihmë për gjërat që nuk mund t’i kryejnë vetë”, thuhet në e-mailin që Hasani e ka dërguar në MPMS./ B.A. - CNA.al