web counter
LEXO PA REKLAMA!

SHKARKO APP

App Store
Google Play

Dhuna makabre në Pejë/ Flet vajza dhe dhëndri i të moshuarës

2 Nëntor 2022, 19:13, Kosova & Bota CNA
Dhuna makabre në Pejë/ Flet vajza dhe dhëndri i të
Punonjësja Aurona Pelaj që dhunoi të moshuarën

Kosova u trondit sot nga një video e publikuar në rrjet, ku shihej se një punonjëse dhunonte një të moshuar që ishte pjesë e Qendrës për të Moshuar në Pejë “Orenda”.

Në një lidhje me RTV Dukagjini, vajza e së moshuarës është shprehur e tmerruar dhe në një gjendje jo të mirë emocionale.

“Jemi të tmerruar”, deklaroi ajo.

Por teksa ishte në lidhje direkte, vajza ia ka kaluar telefonin bashkëshortit të saj, i cili tha se ka lajmëruar policinë në rajonin e Gjakovës dhe po presin më shumë informacion.

“E kam lajmëruar policinë e Gjakovës, siç duket e kanë arrestuar, të shohim tani kush është ajo, pse është përdorur ajo dhunë”, ka thënë dhëndri.

Aktualisht ata e kanë larguar të moshuarën nga azili.

Ndërkohë, kujtojmë se punonësja e shtëpisë së të moshuarve është identifikuar si Aurona Pelaj, e cila së bashku me dy kolege të tjera janë vënë në pranga nga policia.

Në video shihej që Pelaj dhunonte të moshuarën, e ndërsa koleget e saj gajaseshin duke qeshur./ B.A. – CNA.al





Lajmet e fundit nga