web counter
LEXO PA REKLAMA!

SHKARKO APP

App Store
Google Play

E fundit!

x

"Do të bëjmë seks te vendi i punës"/ 44-vjeçarja rrëfen tmerrin: Burri nuk më lejon të shikoj djalin, kërkon...

2 Nëntor 2022, 14:18, Aktualitet CNA

"Do të bëjmë seks te vendi i punës"/

Historia e një zonje 44-vjeçare tronditi opinionin publik, pasi ajo rrëfeu dhunën fizike dhe seksuale nga bashkëshorti i saj.

Gjithçka nisi në vitin 2014, kur çifti ishte ende i ri, ndërsa sot ata kanë një fëmijë 6 vjeç.

44-vjeçarja ka rrëfyer se jeta e saj mori një kthesë 360 gradë kur mbeti shtatzënë.

Pas lindjes së djalit gruaja tregon se bashkëshorti i saj filloi të ushtronte dhunë si dhe ka tentuar ta mbysë para syve të djalit. Më tej ajo tregoi se bashkëshorti i saj nuk e lejonte ta shikonte djalin, ta përkëdhelte apo t'i jepte gji.

Në rrëfimin e saj në emisionin “Me zemër të hapur”, 44-vjeçarja tha se tashmë është në proces divorci, por burri i saj nuk e lejon ta takojë të birin, duke i vënë kusht që gruaja të kryejë marrëdhënie seksuale në ambientin e tij të punës (klinikë veterinare), nëse dëshiron të shohë të birin.

"Jam njohur me të pasi jam kthyer nga studimet e larta jashtë shtetit, por më parë ne kishim qenë nxënës të një klase. Ai shpesh më dilte përpara dhe pretendonte se kishte pëlqim dhe ndjenjë kundrejt meje, pasi unë për shkak të punës kaloja çdo ditë para shtëpisë së tij. Unë isha duke e studiuar duke e parë që shkonte në xhami disa herë në ditë dhe m'u duk njeri shumë i mirë. Më vonë ne takoheshim, por ai nuk më tregoi që kishte pasur një martesë të mëparshme dhe kishte edhe një fëmijë.

Një ditë ish-gruaja dhe djali i tij më dalin para syve dhe u ndjeva keq. Ajo në njëfarë mënyre më paralajmëroi me daljen e saj. Por ky më tha se martesa e parë kishte dështuar për shkak të saj dhe kujdesej për fëmijën e tij.

E pranova për shkak se më dukej një njeri shumë i mirë dhe sillej shumë mirë me mua. Fillova që të kujdesesha për fëmijën e tij duke i çuar çdo të shtunë një çokollatë. Kjo njohje jona zgjati nga 2014 deri në 2016 vit kur unë mbeta shtatzënë. Pas kësaj fillova të kuptoja me kë kisha të bëja. Ne u martuam dhe nisi jeta jonë. Ai më ka dhunuar barbarisht dhe kur erdhi në jetë djali ma mbante peng, larg dhomës sime duke mos ma lejuar që ta përkundja apo t’i jepja gji. Ai më ka dhunuar dhe kjo duket qartë në videon që ju po transmetoni 'live', pasi në dhomën e gjumit ai kishte vendosur kamera dhe është filmuar momenti kur ai tenton të më mbysë mbi krevatin e gjumit dhe fëmija i mitur që vrapon duke mbajtur duart në vesh për të mos dëgjuar thirrjet e mia për ndihmë. Jam dhunuar barbarisht vetëm këtë di të them”, rrëfeu ajo./CNA.al

 





Lajmet e fundit nga