LEXO PA REKLAMA!

SHKARKO APP

“Shisni provime, diplomat”/ Manjani-pedagogëve: Vidhni edhe ju

3 Nëntor 2022, 09:32, Aktualitet CNA

“Shisni provime, diplomat”/ Manjani-pedagogëve: Vidhni edhe ju

Ish-Ministri i Drejtësisë, Ylli Manjani, u ka bërë thirrje pedagogëve që të kthehen në auditore.

Nëpërmjet një ironie Manjani u drejtohet duke u thënë vidhni edhe ju si gjithë rrogëtarët e atdheut tonë.

“Kthehuni në auditore.

Bëhuni me fe dhe punoni te atdheu i hajdutërisë. Rrogat e ulëta janë pjesë e atdheut ku të gjithë jetojnë me xhepin e tjetrit, me xhepin e hallexhiut.

Edhe ju jetoni me xhepin e hallexhiut që të jeni bij të atdheut që ka ndërtuar qeverisja e keqe dhe shumë e keqe.

Nuk ju del rroga?

Ska problem. Vidhni edhe ju si gjithë rrogëtarët e atdheut tonë.

Feja e shqiptarit tashmë është hajnia. (Miratuar me VKM kjo fe)

Bëhuni edhe ju si gjithë të tjerët. Heshtni. Vidhni. Shisni provime, diplomat. Bëni sikur, se muhabet kot u bë kjo puna e shkollimit të rinisë këtu...

Bëni siç bëjnë pedagogët e tjerë që kanë fe dhe paraqiten në auditoret e atdheut ku vidhet paraja,nderi, dinjiteti e vullneti”, shkruan Manjani në rrjete sociale.

Ai i ka këshilluar pedagogët që të mbajnë parasysh se në atdheun e hajnisë, askujt i duhet diploma sot.

“Kush e refuzon këtë atdhe, thjesht ikën nga sytë këmbët prej tij. Pse duhet të bëjë grevë? Për ti kërkur hajnave lëmoshë?!

Në atdheun e hajnisë kurrë nuk rritet rroga.

E mbani mend përse Enveri nuk i rriste kurrë rrogat e fatorinove të autobusëve, apo të punonjësve të shërbimeve? Sepse ato jetonin me bakshish.

Edhe një gjë tjetër, thirrjet tuaja për ambasadat dhe Presidentin e republikës së hajnisë janë zhgënjyese.

Shkoni në auditore më mirë. Nuk ka grevë me mbrojtje diplomatike”, shkruan më tej Manjani./CNA.al

Lajmet e fundit nga