web counter
LEXO PA REKLAMA!

SHKARKO APP

App Store
Google Play

E fundit!

x

Infermierja dhunuese ‘shokon’ me deklaratën/ ‘Më sulmoi e para, vetëm pak e rraha’

2 Nëntor 2022, 22:28, Aktualitet CNA
Infermierja dhunuese ‘shokon’ me deklaratën/ ‘Më
Infermierja Aurona Pelaj duke dhunuar të moshuarën

Zbardhet deklarata shokuese e infermieres Aurona Pelaj që u filmua duke dhunuar një të moshuar në azil, ndërkohë që qeshte së bashku me koleget e saj.

Sipas dëshmisë së dhënë për policinë, publikuar nga "Sinjali", infermierja tha se ka ushtruar dhunë ndaj të moshuarës me pretendimin se kjo e fundit ka qenë agresive.

Pelaj është shprehur se e moshuara e ka gjuajtur vetë e para me shqelm dhe ajo nuk ka përdorur dhunë e forcë të madhe.

“Unë kur kam filluar punën ajo veç ka qenë banore e shtëpisë dhe se nga mjeku është konstatuar se e njëjta ka çrregullime mendore. Në ditën kur ka ndodhur rasti ajo ka qenë shumë agresive dhe kohë pas kohe përjetonte kriza nervoze dhe për këtë e kemi njoftuar doktorin. Atë ditë, e kemi pasur për detyrë që t’ua ndërrojmë pampersat, pasi e moshuara (viktima) e kishte kryer nevojën fiziologjike dhe me duart e saj e ka ndotur hapësirën. Unë e kam dëgjuar një zhurmë tek banjoja dhe kam shkuar që të shikoj. Aty koleget e mija kishin pasur telashe dhe desha ti ndihmoja. Ajo (viktima) më ka sulmuar dhe më ka shkaktuar lëndime në dorë, më ka sulmuar me shqelm e para. Unë nuk kam përdorur dhunë e as forcë të madhe përveç me ndaluar sulmin e saj ndaj meje. Ajo atë ditë e ka sulmuar edhe një banore tjetër”, ka deklaruar ajo.

Gjithashtu, infermierja ka thënë se ka mësuar në shkollë që duhet të jesh dominante ndaj personave që paraqesin rrezik për personelin dhe kanë probleme psikike.

“Në shkollë jemi mësuar se personat që paraqesin rrezik për personelin dhe kanë probleme psikike duhet të tregohemi dominantë ndaj tyre. Unë jam e vetëdijshme se veprimi ka qenë i tepruar dhe nën afekt, por ajo e para më ka sulmuar dhe veprimet e mija kanë qenë paralajmëruese dhe jo me forcë të madhe. Koleget e mija janë munduar ta vënë nën kontroll atë (të moshuarën). Janë munduar me forcë ta ndërrojnë, ka qenë e fuqishme dhe është dashtë disa veta ta vënë nën kontroll”, ka shtuar ajo.

Sipas saj, publikimi i videos është bërë me qëllim nga qendra, pasi pretendon se e ka lënë punën ditën e djeshme se nuk ka qenë e përgatitur që të merret me persona që kanë probleme psikike./ B.A. – CNA.al





Lajmet e fundit nga