web counter
LEXO PA REKLAMA!

SHKARKO APP

App Store
Google Play

E fundit!

x

Gazetari nxjerr foton e shtëpisë së të moshuarve “Orenda”/ 'Muret janë dëshmitare të tragjedive njerëzore'

2 Nëntor 2022, 22:02, Aktualitet CNA
Gazetari nxjerr foton e shtëpisë së të moshuarve
Fotomontazh - Infermierja Aurona Pelaj duke dhunuar të moshuarën dhe shtëpia e të moshuarve "Orenda"

Gazetari Ermal Mulosmani ka publikuar banesën e Shtëpisë së të Moshuarve në Pejë, “Orenda”, ku u regjistrua me video dhuna e ushtruar nga infermieret ndaj një të moshuare.

Mulosmani kujton një rrëfim të gazetarit Peter Pomerantsev për vendet ku KGB-ja ruse torturonte viktimat e veta.

Ai thotë se sa më artistike, më të bukura e të zhytura në gjelbërim të jenë ndërtesat, aq më shumë histori kanë për të treguar.

Mulosmani thekson se dyert, dritaret dhe muret janë dëshmitare të tragjedive njerëzore që kurrë nuk kanë për ta parë dritën.

Për dhunën ndaj azilantëve, gazetari deklaron se ka dëgjuar jo pak herë, pasi nënvizon se ky nuk është vetëm fenomen shqiptar.

Gazetari nxjerr foton e shtëpisë së të moshuarve

“Foto më poshtë është Shtëpia e të Moshuarve në Pejë, vendi ku ka ndodhur ngjarja e sotme. Sa e bukur duket nga jashtë, sa joshëse dhe çfarë parajse e natyrës! Ma kujtoi një rrëfim të Pomerantsev për vendet ku KGB ja ruse torturonte viktimat e veta. Sa më artistike ndërtesat, sa më të bukura e të zhytura në gjelbërim, aq më histori kanë për të treguar. Ato dyer, ato dritare e ato mure janë dëshmitare të tragjedive njerëzore që kurrë nuk kanë për ta parë dritën!

Unë kam dëgjuar për historitë e Azileve, torturat që u bëjnë pleqve të shkretë. E bëjnë edhe në shtetet e zhvilluara, personi që më tregonte mua kishte parë llahtarira për një periudhë një mujore që kishte shërbyer atje.

Nuk është thjesht fenomen shqiptar”, shkruan Mulosmani./ B.A. – CNA.al





Lajmet e fundit nga