web counter
LEXO PA REKLAMA!

SHKARKO APP

App Store
Google Play

E fundit!

x

"Veç mos të pafsha se do të mbys"/ Kërcënohet me jetë aktorja që publikoi video-skandalin e infermieres

3 Nëntor 2022, 11:19, Aktualitet CNA

"Veç mos të pafsha se do të mbys"/

Ditën e djeshme një skandal i ndodhur në shtëpinë e të moshuarve në Pejë, bëri xhiron e rrjetit dhe shokoi opinionin publik.

Të gjithë e panë me zë dhe me figurë, dhunën që një infermiere, në prezencë të disa infermiereve të tjera që e filmonin, po ushtronin ndaj një gruaje të moshuar.

Ka qenë aktorja dhe aktivistja Kaltrina Zeneli, ajo që publikoi video-skandalin, e cila shprehet se pas kësaj ka marrë shumë mesazhe kërcënuese.

Ajo shprehet se mesazhet e dërguara janë anonime, por sërish mbetën shumë të frikshme.

 “Veç mos të pafsha në rrugë se kam me t’mbyt”, ka qenë njëri ndër mesazhet kërcënuese, për të cilin Zeneli e tregoi në një emision në "KTV".

Përveç meje, mesazhe kërcënuese kanë marrë edhe profilet e tjera që kanë të njëjtin emër. Po dua me ia bë të ditur të gjithëve se nuk kam qenë unë ajo që ka incizuar. Kush ka ndonjë problem të më shkruajë mua”, shtoi aktorja Zeneli.

“Unë punoj në Artpolis, një organizatë feministe dhe reagojmë për raste të ndryshme kur ka dhunë familjare. Gjatë kohës që kam qenë me kolegët pak para provave, më ka shkrujt dikush dhe ka kërkuar me dit qysh me raportu një dhunë. I thashë thirre Policinë, ata të drejtojnë ku duhesh me shku. Më tha, a mundesh me ma gjet një numër që merret këto raste dhe po më tregon që është ushtru dhunë ndaj një të moshuare. Unë prapë i thashë thirre Policinë. E vazhdova ditën. Pas dy-tri ore, e pyeta a ka marrë një iniciativë. Më tha që ishte duke pritur për të shkuar në Polici. Por aty ma ka dërgu videon. Pasi e kam pa, nuk mujta me prit më dhe e kam postuar menjëherë. Nuk kam mundur ta shoh videon deri në fund. Jam shtangur, nuk kam dit me reagu. E kam qit nënën time në vend të saj. Nuk e di… s’po gjej fjalë të përshkruaj”, u shpreh aktorja.





Lajmet e fundit nga