web counter
LEXO PA REKLAMA!

SHKARKO APP

App Store
Google Play

E fundit!

x

Sekuestrohen 450 kilogramë mish pule/ Zbulohet skandali në magazinën e përpunimit

3 Nëntor 2022, 10:49, Aktualitet CNA

Sekuestrohen 450 kilogramë mish pule/ Zbulohet skandali në

Policia e Tiranës ka sekuestruar sot 450 kilogram mish pule, në një magazinë në pronësi të një 52-vjeçari. 

Ky i fundit ka përfunduar në pranga, pasi nuk kishte zbatuar kushtet higjieno-sanitare të mbajtjes së mishit.

Njoftimi i policisë:

Ushtronte aktivitetin e përpunimit dhe të tregtimit të mishit, në një magazinë, duke mos zbatuar kushtet higjeno-sanitare, vihet në pranga 52-vjeçari.

Sekuestrohen rreth 450 kg mish pule.

Specialistët e Seksionit për Hetimin e Krimeve Ekonomike dhe Financiare, në vijim të punës për goditjen e paligjshmërive, pas informacioneve të siguruara se në një magazinë, në rrugën "Myslym Keta", një shtetas përpunonte dhe tregtonte mish, pa u regjistruar në organet kompetente, menjëherë kanë organizuar punën dhe kanë ushtruar kontroll në ambientet e magazinës.

Nga kontrolli i ushtruar dhe nga verifikimet e kryera ka rezultuar se shtetasi B. H., banues në Tiranë, përpunonte dhe tregtonte mish, në magazinën e tij, në rrugën "Myslym Keta", jashtë të gjitha kushteve higjeno-sanitare.

Në vijim të veprimeve u bë arrestimi në flagrancë i shtetasit B. H., 52 vjeç, për veprat penale "Prodhimi dhe shitja e ushqimeve dhe e lëndëve të tjera të rrezikshme për shëndetin", "Mashtrimi me produktet ushqimore" dhe "Fshehja e të ardhurave".

Në cilësinë e provës materiale u sekuestruan rreth 450 kg mish pule.

Materialet i kaluan Prokurorisë, për veprime të mëtejshme procedurale./CNA.al





Lajmet e fundit nga