LEXO PA REKLAMA!

SHKARKO APP

Vjollca Hoxha dhe Top Channel “vajtojnë dashurinë”

13 Dhjetor 2020, 12:50, Aktualitet CNA

Një media kombëtare private ka një mision, informimin e publikut. Kurrsesi nuk mund të kthehet në një marionetë, një instrument në duart e pronares, për ta përdorur kundër bizneseve private, kundër investimeve me miliona euro të cilat sjellin zhvillimin e turizmit në vend, thjesht dhe vetëm sepse historitë rozë të pronares së saj kanë përplasje ortakërish me biznesmenë të ndryshëm.

Jemi përballë rastit kur një investim miliona euro në Moravë të Korçës, ndoshta një nga resortet më të mira në rajon, po kërkohet në mënyrë të vazhdueshme të dëmtohet jo vetëm si imazh, por edhe t?i rrëmbehet bashkëpronësia në maksimumin e mundshëm për t?ia dhënë historive rozë të Vjollca Hoxhës.

Edhe këtë po e bëjnë në mënyrë të përsëritur, duke përdorur turpësisht në mënyrë të dhimbshme emisionin investigativ ?Fiks Fare?, i cili ka drejtuar dikur shumicën e opinionit qytetar dhe publikut.

Por tashmë është kthyer në hapësirën e ngushtë të interesave personale që vijnë dhe shkojnë tek Vjollca Hoxha, tek historitë rozë të saj dhe të të tjerëve vërdallë.

Pra një investim miliona euro, një përplasje mes dy palëve private, raste të ngjashme në Shqipëri janë me qindra dhe me mijëra, shkojnë në gjykatë, palët përpiqen të gjejnë gjuhën apo konfliktohen edhe më ashpër në drejtësi, por gjithsesi nuk është diçka në interes të publikut, por është përballja ligjore apo përplasja mes dy biznesmenëve.

Në rastin konkret nuk po ndodh kështu. Çfarë po bëhet? Si qëndron e vërteta?

Për historitë e saj rozë, Vjollca Hoxha po përdor ?Fiks Fare? dhe ekranin e Top Channel. Duke tentuar të bëhet pjesë e një shantazhi të drejtpërdrejtë ndaj një biznesmeni.

Prej disa muajsh po vazhdon një mision gati kriminal duke shantazhuar prokurorë, gjykatës, policë, gjithçka që është e mundshme, duke nxjerrë sekrete hetimore dhe duke e përdorur ekranin e Top Channel dhunshëm, në interes të historive rozë të Vjollca Hoxhës.

Dritan Hoxha ndoshta po tronditet në varr, nga këto paturpësi të dhimbshme pafund, kur shikon se si ekrani dikur lider i shqiptarëve i ndërtuar nga Dritan Hoxha përdoret nga bashkëshortja e tij tashmë për interesat e historive të saj rozë. Është e dhimbshme pafund se si Top Channel, perandoria e Dritan Hoxhës po përdoret në një mënyrë kaq banale nga Vjollca Hoxha për historitë e saj rozë./CNA.al

Lajmet e fundit nga