E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Zbulohet kompania tjetër/ Endrit Habilaj i Top Channel dhjetra mijë euro nga inceneratorët

7 Janar 2022, 08:00, Aktualitet CNA

Të tjera pagesa për Habilajn nga inceneratorët

Një tjetër kompani me anë të cilës Endrit Habilaj, është paguar nga pronarët e inceneratorëve, Klodian Zoto dhe Mirel Mërtiri është “Infinit Communication” me numër identifikimi L91331028L.

Kompania në fjalë, sipas ekstraktit të QKB rezulton e regjistruar me 31.01.2019. Sipas të njëjtit ekstrakt, Endrit Habilajt e ka këtë kompani në ortakëri me Ornela Pangon.

Ajo që bie në sy është se adresa e kompanisë “Infinit Communication”, është e njëjta adresë me Top Channel dhe VOX TV.

“Tiranë, Kashar, Mëzez, rruga “17 Nëntori”, Godina numër 20, kati i dytë”, është adresa e tre kompanive, pra “Infinit Communication”, Top Channel dhe VOX TV.

Endrit Habilaj ashtu si me kompaninë e tjetër, VOX TV është paguar sistematikisht nga pronarët e inceneratorëve dhe me kompaninë“Infinit Communication”.

Në muajin Prill 2021 Endrit Habilaj ka marrë nga pronarët e inceneratorëve, 443 088 Lekë, në muajin Maj të vitit 2021 ka marrë 442 872 lekë, në muajin Qershor 2021, ka marrë 442 800 Lekë dhe në Muajin Korrik ka marrë 446.112 Lekë.

Pra në katër muaj ka marrë 1 774 872 Lekë apo rreth 17 mijë euro. Këto janë vetëm një pjesë e pagesave dhe vetëm për një periudhe. Dhe siç e kemi theksuar kjo nuk është e vetmja, por një nga disa kompani ku Endrit Habilaj merr lekë sistematikisht nga bizneset e inceneratorëve.

CNA.al ka publikuar dhjetra dokumenta dhe fakte në lidhje inceneratorët ku pronarët e tyre kanë krijuar me kompani të tjera ortakëri me pronarë dhe drejtues mediash.

Por, prej disa ditësh,CNA.al po sjell me emër dhe mbiemër njerëzit e medias që janë paguar nga inceneratorët.

Në mes të këtyre njerëzve bën pjesë edhe Endrit Habilaj, gazetar i Top Channel, autor i Top Story dhe drejtues i gazetës SHQIP. Deri më tani kemi sjellë fakte se si dhe sa është paguar Habilaj nga inceneratorët, me anë të dy kompanive që mbajnë emrin e tij, njëra në ortakëri me një tjetër person.

Në vijim CNA.al do sjellë të tjera fakte ekskluzive të pagesave që kompanitë e inceneratorëve kanë bërë nga Habilajt me një tjetër kompani, gjithashtu do publikojmë të tjera media dhe të tjerë gazetarë të përfshirë në pagesat sistematike të kompanive të inceneratorëve./E.S-CNA.al

Dokumenti-Si dhe sa është paguar Endrit Habilaj i Top Channel dhe Gazetës Shqip nga inceneratorët/ Zbulohen faturat me shuma të majme