Pagat dhe kushtet e punës/ Rama propagandë me mjekët

6 Janar 2022, 12:26, Aktualitet CNA

Kryeministri Edi Rama ka inaguruar Pediatrinë e Re në QSUT nga ku ka bërë të ditur edhe ndryshimet që pritet të bëhen në sistemin shëndetësor.

Para infermierëve dhe mjekëve, Rama ka bërë me dije se pagat e tyre do të varen nga performanca e tyre. Kreu i qeverisë është shprehur se po hyjnë në fazën më kritike të transformimit shëndetësor.

?Plotësimi i kushteve për mjekët dhe infermierët për të ushtruar profesionin e tyre është një motiv i fortë për të shërbyer me përkushtim. Rëndom ato që duan të thonë diçka dhe kur nuk kanë çfarë të thonë përsërisin se nuk janë godinat dhe fasadat por njerëzit, është e vërtetë që janë njerëzit, por nëse kushtet që punojnë janë të pafavorshme sado sakrifikojnë njërëzit sërish është e pamundur që të japësh maksimumin.

Unë besoj fort se kushtet fizike të çfarëdo infrastrukture kanë një rol të jashtëzakonshëm jo vetëm në performancën e atyre që janë brenda këtyre hapësirave por edhe mes njerëzve, mjekëve dhe familjarëve. Një marrëdhënie që në të shkuarën ka qenë e acaruar dhe kushtet e punës kanë ndikuar parimisht në këtë marrëdhënie.

Sot na duhet që të shkojmë përtej godinave dhe kushteve fizike jo vetëm me mbështetjen ndaj personelit por dhe krijimin e një hapësire të re ndërveprimi mes personelit dhe vetë shtetit.

Është shumë e rëndësishme që ne tu japim mundësi mjekëve dhe infermierëve që të paguhen më shumë jo vetëm duke rritur pagën bazë por ti japim sistemit dhe mundësinë për diferencime. Me këtë duhet që të kuptojmë se më lart ngjiten ato që i japin më shumë sistemit dhe paga bazë është e njëjtë për të gjithë. Një ngjitje marrin të gjithë ato që përmes punës dhe performancës sjell të ardhura më të larta në raport me një tjetër koleg që paguhet me pagën bazë por për shkak të performancës mesatare nuk merr dot sa një koleg?, është shprehur Rama./A.E-CNA.al