LEXO PA REKLAMA!

SHKARKO APP

Ç’po ndodh me RD?/ Kasmi akuza Bashës: Na kërkuan të lironim zyrat

5 Janar 2022, 20:18, Aktualitet CNA
Ç’po ndodh me RD?/ Kasmi akuza Bashës: Na kërkuan të

Kryeredaktori i Rilindjes Demokratike, organit zyrtar të Partisë Demokratike, Bledi Kasmi thotë se gazeta ka mbajtur qëndrim asnjanës në debatin Basha-Rama.

Nga ana tjetër, Kasmi thotë se qëndrimi i tij personal i shprehur përmes Facebook ka qenë pro ?Foltores? së Berishës dhe kjo ka sjellë pakënaqësi për Bashën dhe ndaj i ka ndaluar qasjen në faqen online të RD.

?Nuk na dhanë asnjë paralajmërim dhe asnjë komunikim se çfarë po ndodhte. Ka ndodhur për të gjithë stafin e gazetës. Për të 7 gazetarët u bë bllokimi i fjalëkalimeve dhe më pas na erdhi një kërkesë nga administrata duke na u kërkuar që të lironim zyrat?, u shpreh Kasmi ne “Now” me Erla Mëhillin.

Kryeredaktori i RD tha se tashmë ata kanë hapur një faqe të re ndërsa akuzoi Bashën se po tenton të mbyllë gazetën zyrtare të PD.

?Nuk kemi pranuar që ta kthenim në një gazetë në shërbim të një individi?, shtoi Kasmi.

Kreu i Unionit të Gazetarëve Shqiptarë, Aleksandër Çipa tha se është e dënueshme që të dëbohet gazetari nga mjedisi i punës pa ndjekur një procedurë normale të marrëdhënies së punës.

Çipa tha se RD pavarësisht se është e zhanrit politik, është një media me histori në 30 vitet e fundit.

?Përplasje brenda PD do të duhej ta shmangte nxjerrjen e gazetarëve nga mjedisi i punës?, tha ai./euronews

Lajmet e fundit nga