web counter
LEXO PA REKLAMA!

SHKARKO APP

App Store
Google Play

Ngjarja kriminale në Don Bosko/ “Zgjohet” Presidenti, i bën thirrje Policisë së Shtetit

5 Janar 2022, 10:38, Aktualitet CNA

Presidenti Ilir Meta ka dënuar me forcë ngjarjet kriminale të ditëve të fundvitit  dhe ditëve të para të vitit të ri, veçanërisht krimin e ndodhur në rrugën Don Bosko, ku mbetën të plagosur katër persona dhe një i vrarë.

Sipas Presidentit, një krim i tillë në zonat më të populluara të kryeqytetit përbën një sfidë të hapur ndaj grupeve të krimit të organizuar ndaj shtetit dhe institucioneve të tij, si dhe një kërcënim për sigurinë e qytetarëve.

Meta i ka bërë thirrje Policisë së Shtetit të forcojnë punën për arrestimin e autorëve të krimit por edhe për bashkëpunim për të parandaluar krime të tilla të rënda në të ardhmen.

?Dënoj me forcë ngjarjet kriminale të ditëve të fundvitit dhe të ditëve të para të vitit të ri, të ndodhura në disa qytete të vendit, e veçanërisht ngjarjen fatale në rrugën ?Don Bosko?, në Tiranë, ditën e djeshme, që përfundoi me vrasjen e një shtetasi dhe plagosjen e disa të tjerëve.

Një akt i tillë kriminal, në një nga zonat më të populluara të kryeqytetit, jo vetëm përbën një sfidë të hapur të grupeve të krimit të organizuar ndaj shtetit dhe institucioneve të tij, por edhe një kërcënim të rëndë për sigurinë dhe për vetë jetën e qytetarëve të Tiranës.

Kjo është rrjedhojë e një sërë aktesh të tjera kriminale, që kanë mbetur të pazbuluara dhe ku autorët nuk janë vënë përpara drejtësisë.

I bëj thirrje Policisë së Shtetit, si dhe të gjithë institucioneve ligjzbatuese në vend, të forcojnë punën, së pari për arrestimin e autorëve të këtij krimi të rëndë, por edhe për të forcuar bashkëpunimin ndërmjet tyre për të parandaluar ngjarje të tilla në të ardhmen?, shkruan Presidenti Ilir Meta./A.E- CNA.al





Lajmet e fundit nga