web counter
LEXO PA REKLAMA!

SHKARKO APP

App Store
Google Play

E fundit!

x

Si e paralajmëroi CNA.al SPAK/ Liria e Mirel Mërtirit si një rrezik për hetimet

17 Nëntor 2022, 17:36, Aktualitet CNA
Si e paralajmëroi CNA.al SPAK/ Liria e Mirel Mërtirit si një
Fotomontazh - Mirel Mërtiri, në sfond SPAK

Mirel Mërtiri, është shpallur në kërkim për aferën me inceneratorin e Elbasanit.

Mërtiri është njeriu që mediat e kanë cilësuar si “trurin” e aferës së inceneratorëve, apo “njeriun hije” pas skemës së inceneratorëve.

Për Mërtirin, CNA.al ka raportuar shpesh. Ka shkruar për përpjekjet e tij për të mos lënë gjurmë në aferën e inceneratorëve, por që për Mërtirin ka qenë e vështirë të mos lërë asnjë shenjë.

Më 27 shtator, më shumë se 6 javë më parë raportoi se Mirel Mërtiri vazhdonte të ishte i qetë, duke lëvizur lirshëm nëpër Tiranë, Europë, ndërkohë që kjo rrezikonte hetimet.

Ndonëse se është cilësuar “truri” i inceneratorëve, SPAK nuk kishte lëshuar urdhër-arrest deri një javë më parë.

CNA.al ka mësuar se SPAK kërkoi arrestin e Mirelit në datën 10 nëntor dhe pavarësisht kësaj ai iku. Mirel Mërtiri është kërkuar gjashtë ditë më parë nga policia tek apartamenti i tij në godinën “Ambassador 3”, në qendër të kryeqytetit dhe nuk është gjetur. Sipas policisë, ai ndodhet jashtë vendit dhe është larguar.

Pra, pavarësisht se SPAK ka konfirmuar lidhjen e Mërtirit me inceneratorët, ai ende nuk është futur në burg. Dhe mediat nuk e raportojnë.

Si e paralajmëroi CNA.al SPAK/ Liria e Mirel Mërtirit si një
SPAK

SPAK nuk e jep emrin e Mirelit si person në kërkim, mediat e fshehin. Kjo na bën të ngrejmë disa pyetje. Kush po kërkon ta zhdukë Mirelin nga kjo histori, apo ta mbrojë? Është mbrojtur vetë? Apo e mbron politika? Prokurorët e SPAK-ut? Gjykatat?

Fakt është që Mirel Mërtiri, nuk është person anonim, pavarësisht se emri i tij nuk del drejtpërdrejt në skemë. Ai rezulton si administrator i kompanisë “ER One”, ku 40% të aksioneve i ka Stela Gugallja, bashkëjetuesja dhe nëna e fëmijëve të tij dhe 60% shtetasi italian Ernesto Granelli. Ky i fundit ka pasur 30% të aksioneve të kompanisë “Integrated Technology Waste Treatment Fier”, pra të inceneratorit të Fierit, që më pas i ka shitur.

Mirel Mërtiri është njeriu që shfaqet në foto me Klodian Zoton dhe Giuseppe Ciaffaglionen, që tashmë është në kërkim për megaaferën, por që disa kohë më parë reklamonte se sa i mirë ishte inceneratori i Tiranës.

Si e paralajmëroi CNA.al SPAK/ Liria e Mirel Mërtirit si një

Mërtiri gjithashtu ka dalë edhe në emailet e ish-deputetit Alqi Bllako që janë në duart e SPAK. Konkretisht, Alqi Bllako si sekretar i ministries së mjedisit, i ka dërguar vendimin e Bashkisë së Elbasanit për shpalljen e emergjencës mjedisore Mirel Mërtirit, ndërsa ky i fundit ia ka dërguar Klodian Zotos.

Sipas gazetares Klodiana Lala, në kompjuterin e Bllakos janë gjetur komunikime të vazhdueshme me Mirelin dhe Zoton.

Si e paralajmëroi CNA.al SPAK/ Liria e Mirel Mërtirit si një
Të rrethuar Mirel Mërtiri, ortaku italian i Klodian Zotos dhe Stela Gugallja

Por pavarësisht të gjitha këtyre, edhe pse është fotografuar krah ministrave të qeverisë, edhe pse qëndron krah Klodian Zotos, krah Stela Gugalljas, Mirel Mërtiri nuk është kapur, është akoma diku jashtë dhe SPAK ende nuk e artikulon emrin e tij si një person në kërkim./ CNA.al





Lajmet e fundit nga