web counter
LEXO PA REKLAMA!

SHKARKO APP

App Store
Google Play

Arrestimet nga SPAK për inceneratorët/ Deputeti: Është çështje kohe që abuzuesit të dalin para drejtësisë

17 Nëntor 2022, 17:27, Aktualitet CNA
Arrestimet nga SPAK për inceneratorët/ Deputeti: Është
Deputeti Dashnor Sula

Deputeti Dashnor Sula, ka folur në Kuvend për projektin e “Portit të Durrësit”, duke paralajmëruar se kjo aferë duhet të denoncohet nga të gjithë.

Gjatë fjalës së tij ai përmendi dhe arrestimet nga SPAK për inceneratorët ndërsa shton se është thjesht çështje kohe që abuzuesit të dalin para drejtësisë.

“Aferën e Portit do e denoncojmë të gjithë javën tjetër, nuk jemi kundër investimit por jemi kundër abuzimit. Inceneratorët bëjnë ‘muu’, nuk e kemi kënaqësi por abuzuesit duhet të jenë në burg.  Në portin e Durrësit, është arrestuar kyredispeçeri i portit në Belgjikë, ju e dini që agjencitë e transportit në port sjellin kuintalë me kokainë. Ky është realiteti i vërtetë. U arrestua dje nga SPAK-u Arben Dervishaj, njeriu juaj i fortë që mbante evidencat për punimet në inceneratorë. Ju i gjeni gjithë format e mënyrat se si në këtë projekt të nxirrni para, sidomos para zgjedhjeve gostitni klientët tuaj. Është çështjes kohe që disa prej jush të jenë para drejtësisë, të jeni të sigurt ku ka abuzime e shpërdorime me firmë nga personat përgjegjës ato do dalin një ditë. U bëj thirrje ish-kolegëve të mi në SPAK, ndonëse kanë shumë presion do t’i inkurajoja bashkë me kolegët e opozitës së vërtetë, duhet t’i bëjnë një shërbim të jashtëzakonshëm këtij populli”, tha ai./ CNA.al





Lajmet e fundit nga