web counter
LEXO PA REKLAMA!

SHKARKO APP

App Store
Google Play

E fundit!

x

Inceneratori i Tiranës/ LSI zbardh nenin që mund të bëjë ndërprerjen e kontratës

5 Prill 2022, 08:17, Aktualitet CNA

Shefi i kabinetit të kryetares së Lëvizjes Socialiste për Integrim, Eriol Braimllari e ka quajtuar rastin e ineceneratorit të Tiranës, si një nga aferat dhe shkeljet më të mëdha ligjore.

Në një studio televizive, ai ka paraqitur edhe një pjesë të kontratës e cila mundëson ndërprerjen e kontratës me inceneratorin e Tiranës.

Braimllari e ka bërë me dije se deri tani, kompania ka përfituar 60 milionë dollarë, ndërkohë që pagesat vijojnë pasi kontratat janë me një afat 30 vjeçar.

Ai ka shpjeguar se referuar nenit 4, kontrata mund të ndërpritet, edhe pse qeveria pretendon të kundërtën.

?Inceneratori i Tiranës, ky rast ende nuk është zbuluar, ai është edhe më skandal. Kompania ka marrë deri më tani 60 milionë dollarë, ka leverdi për kompanitë, por po i marrinë paratë e qytetarëve.

 Shkelja ligjore- Ky incenerator duhet të ishte për të gjitha bashkitë e qarkut Tiranë. Ky koncesion duhet të ishte miratuar nga të gjithë kryetarët e bashkive, po ka vendosur vetëm Veliaj me Bllakon.

 Bashkia Tiranë ende sot nuk na ka vënë një vendim të Këshillit bashkiak tiranë. Kryetari i bashkisë vetëm propozon, këshilli vendos.

 Inceneratori është bërë jo në të mirën e qytetarëve, pasi sot asnjëri prej tyre nuk po funksionon, por po e paguajmë 3 herë më shumë. Leverdia e privatit ka tejkaluar interesin publik.

 ‘Në Tiranë ende kryhen pagesa, sepse Tirana ndryshe nga të tjerat është për 30 vjet.

 Kam sjell një kopje neni 4, është pjesë integrale e kontratës. Kjo kontratë mund të prishet, ndryshe nga ca propagandon qeveria. Duhet të shpëtojmë sa më shumë të mundemi nga këto financave?, është shprehur ai./ CNA.al





Lajmet e fundit nga