LEXO PA REKLAMA!

SHKARKO APP

E fundit!

x

Kush e pengon SPAK-un të shkojë në zyrat e landfillit të Tiranës?!

10 Prill 2023, 10:29, Denoncim CNA
Kush e pengon SPAK-un të shkojë në zyrat e landfillit të
Foto ilustruese

Në një dalje të tij mediatike, administratori i landfillit të Tiranës, Herman Daniel Vermulen, ka deklaruar mes të tjerash se SPAK-u nuk ka shkuar në zyrat e landfillit atje ku duhet të ndodhej edhe inceneratori i Tiranës, i cili në fakt nuk ekziston.

Një fjali shumë domethënëse pasi kreu i SPAK-ut, Altin Dumani, ka theksuar se ndaj investimit apo kontratës koncensionare që po bëhet në landfillin e Tiranës ka filluar hetimi.

Një hetim i çuar ndoshta dy vite më parë nga disa subjekte, fillimisht nga Nisma Thurje, më pas LSI dhe Partia Demokratike, për këtë landfill.

Më shumë se një vit më parë pati dhe një komision hetimor parlamentar ku dolën shumë fakte. Nga ana tjetër, një aksioner i landfillit të Tiranës, Giuseppe Ciaffaglione, është shpallur në kërkim ndërkombëtar dhe po kërkon nga gjykata italiane mosekstradimin.

Një tjetër administrator është në arrest shtëpie pasi punësuan babain e Alqi Bllakos, ish-sekretarit të përgjithshëm të Ministrisë së Mjedisit që ndodhet në pranga, nën akuzë. Ndërkohë, administratori na thotë se SPAK-u nuk ka shkuar në zyrat e landfillit të Tiranës që të shikojë apo të kontrollojë investimin.

Ndërkohë, nga ana tjetër, Altin Dumani tha se hetimi ka filluar.

Kush gënjen? Dumani apo administratori? Çfarë e pengon SPAK-un të thellojë hetimet dhe të shkojë te landfilli i Tiranës për të hetuar investimin e bërë?

Kush e pengon SPAK-un të shkojë në zyrat e landfillit të
Altin Dumani, kreu i SPAK-ut

Kompania pretendon se ka hedhur rreth 32 milionë euro, ndërkohë që po aq është edhe fitimi i këtyre viteve.

Sa kanë qenë fondet e kompanisë së investuar? A ka pasur korrupsion në atë kontratë? A humbin banorët e Tiranës, duke paguar 29 euro/ton, ku në fakt nuk ka incenerim, por thjesht dhe vetëm kapsulim dhe përpunim në landfill?

Çfarë e ka penguar SPAK-un? Kush e urdhëron që të mos shkojë dhe të bëjë të gjitha veprimet e duhura ligjore?

Publikisht thotë se hetimi ka filluar dhe nga ana tjetër administratori del dhe thotë se SPAK-u nuk ka trokitur në dyert e landfillit.

Kush e pengon SPAK-un të shkojë në zyrat e landfillit të
Herman Daniel Vermulen

Vazhdojmë të mbetemi me fjalët e Dumanit, se kemi frikë nga arbitrazhi, se nuk i njohim aksionerët e vërtetë. Në fakt, aksionerët janë publikë në QKB, të vërtetë apo jo, ata që janë zyrtarisht.

Në rast se kanë përgjegjësi ligjore të hetohen sipas ligjit dhe të çohen tek institucionet përkatëse. Nuk mund të lejohet pafund që të ketë abuzim, fjalë dhe akuza, ndërkohë SPAK-u rezulton se nuk ka kryer asnjë veprim. Dikush e urdhëron SPAK-un që të mbyllet e të qëndrojë në zyra, por pse?

Duhet që procedimet të jenë të shpejta, të forta dhe të sakta. Sa më shumë kohë vonohet aq më e vështirë bëhet zbardhja e gjurmëve dhe e gjithë të vërtetës./ CNA.al

Lajmet e fundit nga