E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Stop/ Mbylli e goditi gazetaren/ Çfarë urdhëroi ministri për noteren Anila Haxhiu

4 Prill 2023, 23:05, Denoncim CNA

Stop/ Mbylli e goditi gazetaren/ Çfarë urdhëroi ministri

Pas problematikës së transmetuar në emisionin Stop në Tv Klan lidhur me veprimtarinë e noteres Anila Haxhiu, ministri i Drejtësisë Ulsi Manja ka urdhëruar kontrollin për të hetuar ligjshmërinë e veprimeve të saj.

Një grup inspektimi i përbërë nga tre punonjës të Ministrisë do të shqyrtojë për një javë çdo shkelje që mund të lidhet me punën e noteres. Në deklaratën e Ministrisë së Drejtësisë thuhet se ajo që ka transmetuar emisioni “Stop” krijon indice që janë kryer veprime abuzime në kundërshtim me ligjin për noterinë.

Një ditë më parë emisioni Stop në Tv Klan denoncoi rastin e noteres së Fierit Anila Haxhiu, e cila përveç niptit të noteres dispononte edhe një nipt të dytë si përkthyese. Por nga investigimi i Stop rezultoi se nipti që Anila Haxhiu paraqiste si përkthyese, i përkonte një blektori.

Nga denoncimet në program pretendohet se noterja Anila Haxhiu ka hartuar një deklaratë për kalim kufiri në mungesë të palëve, si dhe ka mbajtur shumën e një qytetari për një kontratë shitje pasurie përtej afateve ligjore. Këtyre bëmave të noteres, do t’i shtohet dhe dhuna ndaj gazetares nga ana e saj dhe bashkëshortit, por edhe falsifikimi i vulës, që në QKB i përkiste një blektori si dhe përkthimet problematike të zyrës së saj në disa gjuhë të huaja.

Nga ana tjetër, edhe Dhoma Kombëtare e Noterisë, duke falenderuar emisionin “Stop”, distancohet nga sjelljet jo korrekte dhe jo ligjore të disa noterëve./ tvklan