E fundit!

17:41 Kosova & Bota

Trump tërhiqet nga tarifa prej 20% në Ngushticën e Hormuzit/ Ja me çfarë do ta zëvendësojë masën

Presidenti amerikan Donald Trump është tërhequr nga vendos...

U shpall "Park Kombëtar"/ Lumi Vjosa, i rrethuar me plehra dhe i mbytur në ujëra të zeza

1 Prill 2023, 11:30, Denoncim CNA

U shpall "Park Kombëtar"/ Lumi Vjosa, i rrethuar me plehra dhe i

Deputeti demokrat, Tritan Shehu ka denoncuar gjendjen e lumit Vjosa, edhe pse është shpallur “Park Kombëtar” ende sipas tij është në gjendje të mjerueshme.

Më anë të një postimi në rrjetet sociale, Shehu shkruan se Vjosa është e rrethuar nga plehrat dhe ujërat e zeza.

Ky sipas deputetit është një krim ndaj shëndetit të njerëzve, por dhe mirëmbajtjes së mjedisit.

“Krim e korrupsion, Vjosa e rrethuar nga plehrat, e mbytur në feçe!

“Parku Kombëtar” ky!!

Me “kërkesë” të kryebashkiakëve rilindas të Qarkut, firmë të Deputetes-Ministre të Ambjentit po ndodh.

Nga Përmeti, Këlcyra në Memaliaj, nga Libohova, Dropulli, Gjrokastara në Tepelenë e njëjta gjendje.

Dje “ zbulohet”edhe depozitimi i plehrave të Tepelenes, vetem 30 m larg Vjoses.

Njëlloj si per bashkite e tjera te atij Qarku, me “kerkese” e “leje”!

Ujrat e zeza në Vjosë, plehrat e mbeturinat me„ kerkese e licencë“, shoqërojnë shtratin e saj.

Kjo “kerkesë” e bashkive e ky “licensim” nga Ministria e Ambjenit është krim ambjental, në kundërshtim me ligjin në tërësi, e jo me për një “Park Kombetar”!

Eshtë dhe një krim ndaj shëndetit për ata banorë.

Një “vrasje” e turizmit nga Deputetja-Ministre edhe e Turizmit, që “licenson”!

Për më teper këto depozitime janë në gjendje katastrofale administrimi e mirëmbajtje.

Sepse edhe fondet për këte “avullojnë”!

Korrupsion ky!

Ndërkaq “Parku Kombetar” i Vjosës së mrekullueshme mbushet me pleherat e dekompozimet e tyre, me fecet e të gjithë Qarkut.

Dhe të gjitha institucionet e kontrollit në Qark, Prefekturë e të ministres deputete bëjnë sikur nuk shohin e as nuhasin!

Ndoshta kanë humbur shqisat nga Covid!

Por mire këta, nuk i dihet çfarë „fije” i lidhin me këtë krim ambjental e shëndetësor..

Por prokuroria e Qarkut, Policia e atyshme ku janë, pse nuk reagojnë?!

Apo edhe ata kanë kaluar “Covid”, nuk shikojnë e ndjejnë asgjë?!

Apo nuk dinë ligjet e përgjegjësitë e tyre…?!