LEXO PA REKLAMA!

SHKARKO APP

App Store
Google Play

E fundit!

x

Pas aksidentit në Tiranë/ PD denoncon keqmenaxhimin e transportit publik në kryeqytet

26 Mars 2023, 18:39, Denoncim CNA

Pas aksidentit në Tiranë/ PD denoncon keqmenaxhimin e transportit

Zëdhënësja e fushatës së kandidatit të Partisë Demokratike, Belind Këlliçit, Silvi Bardhi ka denoncuar keqmenaxhimin e transportit publik në kryeqytet.

Nga vendngjarja e aksidentit me urbanin e Kërrabës, Bardhi u shpreh se kreu aktual, Erion Veliaj premton tren elektrik, ndërkohë që autobusi i transportit urban vendos në rrezik jetën e qytetarëve.

Ajo ka shtuar gjithashtu se vendi ka nevojë për reformë dhe sipas saj "këtë do e bëjë të mundur Belind Këlliçi me premtimin që ka sjellë në vëmendje të opinionit publik këto ditë, transport modern, të sigurt dhe falas".

Deklaratë nga Rruga e Elbasanit, zëdhënësja e fushatës, Silvi Bardhi:

Erjon Veliaj premton tren elektrik, ndërkohë që edhe sot një autobuz i transportit urban ka vënë në rrezik jetën e njerëzve në qytet.
Kryetari aktual i Bashkisë ka vetëm fjalë e fasadë.
Shërbimet e Bashkisë mungojnë, dhe transporti publik nuk është më i sigurtë.
Duhet ndryshim.
Qytetarët e Tiranës kanë nevojë për punë thelbësore, për ndërhyrje që kanë të bëjnë me cilësinë e jetës.
Qytetarët e Tiranës paguajnë shumë taksa e tarifa dhe meritojnë punë e shërbime, jo propagandë e spektakël.
Transporti publik ka nevojë për një reformë emergjente, dhe këtë do e bëjë të mundur Belind Këlliçi me premtimin që ka sjellë në vëmendje të opinionit publik këto ditë, transport modern, të sigurt dhe falas./CNA

Lajmet e fundit nga