web counter
LEXO PA REKLAMA!

SHKARKO APP

App Store
Google Play

E fundit!

x

Dokumenti – Kompania e inceneratorit të Tiranës ka 20 milionë euro cash

21 Mars 2023, 19:36, Denoncim CNA

Dokumenti – Kompania e inceneratorit të Tiranës ka 20

Një dokument i bërë publik mbrëmjen e sotme ka zbuluar fakte të reja në dritë për kompaninë e inceneratorit të Tiranës.

Kompania e inceneratorit të Tiranës, "GeoGenix B.V.", i ka kërkuar bashkëpunim kompanisë “ETHOS Asset Management” në San Diego.

Në një shkresë të datës 9 dhjetor 2022 që i ka dërguar kësaj të fundit, kompania e inceneratorit të Tiranës pohon se ka 20 milionë euro cash në Itali.

Ky dokument u bë publik nga kandidati për bashkinë e Tiranës, Belind Këlliçi, gjatë një deklarate për mediat, ku i bëri thirrje SPAK të hetojë këto para.

Dokumenti – Kompania e inceneratorit të Tiranës ka 20

“Në dt.6 dhjetor 2022 kompania e inceneratorit të Tiranës shpreh interesin për të bashkëpunuar me ETHOS Asset Management në San Diego, për të gjetur investitorë në vlerën 100 milionë euro. Pra Veliaj gënjeu. Kompania e inceneratorit nuk i ka këto para.

Dokumenti i dytë, po i datës 6 dhjetor, kompania e inceneratorit të Tiranës i bën me dije kompanisë Ethos se ka 20 milionë euro në një bankë në Itali.

Në dokumenti e tretë të datës 9 dhjetor 2022, kompania i drejtohet sërish Ethos dhe i dërgon përmbledhjen e projektit, për të cilin po kërkohen borxh 100 milionë euro. Në dokument flitet qartë që deri më sot kjo kompani ka investuar (dhe kur thonë këta investim flasin për paratë që ndajnë me njëri-tjetrin) 22 milionë euro, kur ndërkohë vetëm nga Bashkia e Tiranës i ka dhënë 53 milionë dollarë, pa përfshirë dhjetëra miliona të tjera që kanë marrë nga biznesi privat dhe bashki të tjera”, theksoi ndër të tjera Këlliçi.

Kujtojmë se siç ka raportuar edhe më parë CNA.al, Geogenix BV është kompania e njohur ndryshe si Integrated Energy BV.

Kjo kompani është aksionere e vetme e kompanisë Integrated Energy BV SPV, e cila ka fituar koncesionin e inceneratorit të Tiranës, ku një nga administratorët ka qenë shtetasi Giuseppe Ciaffaglione.

Ndërkohë, me 14 shkurt 2020, kjo kompani ka ndryshuar emrin./CNA.al





Lajmet e fundit nga