web counter
LEXO PA REKLAMA!

SHKARKO APP

App Store
Google Play

E fundit!

x

“Zoto-Veliaj-Bollino hedhin valle treshe/ Pagesa nga thesi i inceneratorëve “zhyt” pronarin e mediave”

16 Mars 2023, 22:07, Denoncim CNA

“Zoto-Veliaj-Bollino hedhin valle treshe/ Pagesa nga thesi i

Deputeti Belind Këlliçi ka reaguar sërish në lidhje me denoncimin që bëri mbrëmjen e sotme në Kuvend, ku tregoi me fatura se Carlo Bollino kishte marrë 10 mijë e 600 euro nga inceneratori i Tiranës.

Këlliçi nxori faturën dhe emailin ku Bollino kërkonte buxhet shtesë për fushatën elektorale në pranverën e 2021-shit dhe ko pagesë merrte konfirmimin e Klodian Zotos.

Deputeti deklaron se sa herë që ai flet për inceneratorët, Bollino flet për opozitën duke shkelur çdo parim gazetarie.

Sipas tij, Zoto po hedh valle treshe me Bollinon dhe kryebashkiakun e Tiranës, Erion Veliajn.

“Friksit në bashki nuk i mjaftojnë mediat që ka nën sqetull. Ka vënë Karlo Bolinon të më monitorojë rrjetet sociale. Karlos dhe pagatorit të tij Veliaj i dhashë përgjigje sot nga foltorja e Kuvendit.

Bolino ka vite në Shqipëri dhe është integruar mirë. Bashkë me Veliajn dhe Klodian Zoton e heqin vallen treshe sa herë iu jepet mundësia. Që ta dini ju miq, Karlo Bollino paguhet nga thesi i inceneratorit të Tiranës, ku Veliaj është i zhytur deri në grykë.

Unë përgjigjet i kam me fakte, prandaj po ju paraqes dokumentet, shkëmbimet dhe shërbimet midis MTSC (Carlo Bollino) dhe Integrated Energy BV SPV (kompania e inceneratorit të Tiranës). Report TV kërkon para shtesë nga Klodian Zoto me rastin e fushatës. Klodian Zoto, i bie shkurt, i thotë po.

Sa herë unë flas për inceneratorët, Karlo flet për opozitën. Është gati të masakrojë çdo parim gazetarie për punëdhënësin e tij.

Këta pretendojnë se Klodian Zoto nuk ka lidhje me inceneratorin e Tiranës.

Atëherë përse duhet miratimi i Zotos për shtesën me para?”, shkruan ai./ CNA.al





Lajmet e fundit nga