web counter
LEXO PA REKLAMA!

SHKARKO APP

App Store
Google Play

E fundit!

x

"Më goditi në gjithë trupin"/ Bashkëfshatari e dhunon me sëpatë dhe lihet i lirë

13 Mars 2023, 22:43, Denoncim CNA

"Më goditi në gjithë trupin"/ Bashkëfshatari e

Më 17 Shkurt 2023, Flurat Godaj tregon se bashkëfshatari i tij, Krenar Likskëndaj, i zuri pritë në rrugë dhe e dhunoi rëndë më pjesën e pasme të sëpatës.

Ngjarja ka ndodhur në fshatin Brataj, Selenicë. Sipas denoncuesit, nuk ka një arsye për këtë dhunë të ushtruar ndaj tij.

“Më është prera rruga me makinë nga personi, Krenar Likskëndaj. Ka dalë me sëpatë nga dera e shoferit dhe më ka goditur me sëpatë. Kam kërkuar ndihmë dhe të më çonin direkt në spital. Unë e kam bashkëfshatar. As kam patur ndonjë konflikt me këtë. E ka bërë në mënyrë çnjerëzore. Nëse nuk do isha mbrojtur me dorë ai do më kishte çarë në kokë”, tha ai.

Por sot Flurati qëndron i fshehur larg fshatit, pasi ka frikë, se autori mund ta gjejë dhe ta dhunojë sërish. Flurati tregon se pas agresionit, Krenari është lënë i lirë.

“Po shkoja për xhiro në Selenicë. Ka dalë me drita fikur. Ka ardhur me sëpatë, më ka hapur derën dhe vetëm më ka goditur. Nuk më tha asgjë, vetëm më ka goditur. Mua më ka goditur në gju tek kupa e gjurit që të mos kisha lëvizje, pastaj ka goditur gjithë trupin”, tha ai.

Sipas tij, edhe më parë autori ka ushtruar dhunë te bashkëfshatarët e tjerë dhe sërish nuk  është dënuar. Flurati, që nga ajo ditë gjendet i shtrirë në krevat, i paaftë.

“Kërkoj që drejtësia të vihet në vend. Me këto dëmtime që kam personi në fjalë personi të shkojë para drejtësisë, sepse mesa shoh askush nuk e merr për bazë. As prokuroria, as mjeku ligjor, i ka bërë letrat me lehtësi. Ndihem tmerrësisht i tmerruar për faktin dhe dhunën e përdorur, sepse nuk jam i vetmi individ që dhunohem nga ky person”, tha ai.

OPGj thotë, se është faji i mjekut ligjor që dhunuesi është i lirë, pasi fillimisht akuza ishte për plagosje të rëndë.

OPGj: Zotëria, u kap, u shoqërua, u pyet, u la i lirë, sepse dëmtimet, që ke ti, ka ardhur akti i mjekut ligjor, që nuk janë dëmtime, siç i kemi nisur ne në fillim, siç pretendonim ne, se mund të ishin. Janë dëmtime më të lehta.

Denoncuesi: Po çfarë arsye të mos arrestohet? Tani a duhet që ne të na vrasim, të vdesim, atëherë të bëhen arrestime?

OPGj: Po vdiqe, është më mirë! Ne, për ty, e nisëm “plagosje e rëndë”. Nëse keni pretendime të tjera, drejtohuni te Prokuroria. Tani, çështja është në hetim dhe shyqyr Zotit, që është në hetim.

Por mjeku ligjor Alban Hazizaj, shpjegon se për shkak të frakturave ai ka dhënë raport mbi 9 ditë.

Gazetari: Deshëm të dinim si ka qenë shkalla e dëmtimeve?

Alban Hazizaj: Po s’e mbaj mend, me thënë të drejtën, por, megjithatë, raportin e ke në prokurori. Këto të dhëna i merrni atje!

Gazetari: Dakord pra, por ky person nga ajo datë i nderuar doktor dhe deri më sot qëndron i shtrirë me probleme të shumta dhe fraktura të shumta siç e keni parë. Ndoshta e keni bërë me dëmtime të lehta?

Alban Hazizaj: Jo, jo! Dëmtimet i ka, siç i ka pasur.

Gazetari: Si? Në terma mjekësor hyn në kategorinë e atyre mbi 9 ditë apo nën 9 ditë?

Alban Hazizaj: Po nuk…, besoj mbi 9 , por nuk e mbaj mend, për arsye se kjo…, s’e mbaj mend, se unë bëj shumë…Do ta shikoj dhe do të të jap një përgjigje! Kur të vete në zyrë, e konfirmoj, por deri në 9 ditë, që të jetë me frakturë, nuk ndodh.

Gazetari: Do të lidhemi edhe një herë tjetër me mjekun ligjor pasi ai do të na konfirmojë zyrtarisht se në çfarë shkalle ka qenë dëmtimi në trupin e të dëmtuarit…

Alban Hazizaj: Është mbi 9 ditë, jo 9 ditë.

“Stop” ka siguruar foton e autorit të dhunës.

"Më goditi në gjithë trupin"/ Bashkëfshatari e

Për ngjarjen e ndodhur në Brataj, policia doli në një deklaratë për media ku tha se shpallën në kërkim 41-vjeçarin pasi u largua menjëherë nga vendi i ngjarjes.

Por më vonë sipas deklaratës së oficerit të policisë, ai u kap, u pyet dhe u la i lirë. Në fshat askush nuk flet për këtë ngjarje dhe për këtë person. “Stop” u përpoq që të kishim një kontakt me personin tjetër, por kjo ishte e vështirë pasi asnjë banor nuk flet.

Banori: Nuk e di, aty ka qenë, por mund të ketë ikur. Djelmuri, të papjekur.

Juristja Drita Agaj shpjegon, se agresori duhet të izolohet. Lënia në qetësi, sipas saj, e bën më të dhunshme këtë kategori.

“Ne kemi ligje ku duhet të forcohet masa e sigurimit se s’mund të lihet një njeri me rrezikshmëri të tillë shoqërore sepse derisa ai është i rrezikshëm për një gardh le të themi, vaj halli çfarë mund të themi për probleme të tjera që ai mund të bëhet super i rrezikshëm. Lënia në qetësi e këtyre iu bën që të kenë aktivitet më të madh në ushtrimin e dhunës dhe pse jo… Kush është i dhunshëm në një drejtim, është i dhunshëm edhe në familje, edhe në shoqëri. Duhen politika shtetërore se ne nuk është se nuk kemi ligj, pavarësisht se si zbatohet në një masë të vogël. Në radhë të parë duhet parandalimi dhe sigurimi i kushteve i njeriut që rrezikon jetën e të tjerëve. Duhet një vend izolimi, riedukimi, i cili duhet të jetë në prezencë edhe të policisë, por edhe psikologut. Duhet të izolohet personi i dhunshëm për arsye sepse siç ju thashë edhe më përpara është i rrezikshëm. Në rastin kur i dëmtuari shpaguhet vetëm nga dhunuesi që të detyrohet të paraqitet, në këtë rast i dëmtuari është në mëshirë të fatit”, tha ajo./tvklan.al





Lajmet e fundit nga