web counter
LEXO PA REKLAMA!

SHKARKO APP

App Store
Google Play

E fundit!

x

Endrit Shabani kapet duke gënjyer/ Ambasada britanike mohon financimin e projektit të “Nismës Thurje”

20 Mars 2023, 15:42, Denoncim CNA
Endrit Shabani kapet duke gënjyer/ Ambasada britanike mohon financimin e
Endrit Shabani, kreu i “Nismës Thurje”

Pak javë më parë, CNA bëri një vëzhgim dhe investigim, ku zbuloi se Endrit Shabani, kreu i “Nismës Thurje”, reklamonte një akademi politike, ku sipas tij ishte sponsor një fondacion dhe ambasada britanike.

Endrit Shabani kapet duke gënjyer/ Ambasada britanike mohon financimin e

Por neni 21 i ligjit të partive politike, thotë qartë se partitë politike ndalohen të marrin financime nga shtetet e huaja, dhe ambasada është përfaqësia e një shteti të huaj.

Endrit Shabani kapet duke gënjyer/ Ambasada britanike mohon financimin e

Pas denoncimit të bërë se “Nisma Thurje” po abuzonte dhe po shkelte ligjin, duke shpallur ambasadën britanike si mbështetëse të saj apo financuese, sipas statusit të bërë nga vetë Endri Shabani, ky i fundit fshiu ambasadën britanike nga postimi, por e la atë në posterin e reklamimit.

Lidhur me këtë çështje, CNA iu drejtua me një kërkesë ambasadës britanike, ku e pyeste për këtë financim të deklaruar nga Shabani, ndërsa sot ka ardhur edhe një reagim nga kjo e fundit.

Ambasada britanike sqaron për CNA-në se Mbretëria e Bashkuar nuk ka dhënë dhe nuk do t’i japë asnjë kontibut financiar asnjë partie politike apo kandidati.

“Qeveria e Mbretërisë së Bashkuar mbështet disa OJQ në Shqipëri për të përmirësuar veprimtarinë dhe transparencën e partive politike. Ne po punojmë me WFD, NDI, Komitetin Shqiptar të Helsinkit, Rezistencën Qytetare dhe partnerë të tjerë.

Si pjesë e këtij bashkëpunimi, Fondacioni Westminster për Demokraci (WFD) angazhohet gjithashtu me një spektër të gjerë partish politike shqiptare për rolin e tyre për të garantuar përfaqësim më të madh të të rinjve dhe grave brenda partive politike.

Asnjë kontribut financiar i Mbretërisë së Bashkuar nuk është dhënë dhe nuk do t'i jepet asnjë partie politike apo kandidati. Të gjitha aktivitetet drejtohen dhe mbështeten financiarisht drejtpërdrejt nga WFD. Ato janë të natyrës ndërpartiake dhe fokusohen në rritjen e demokracisë së brendshme të partive”, thuhet në përgjigjen e ambasadës së Mbretërisë së Bashkuar.

Endrit Shabani kapet duke gënjyer/ Ambasada britanike mohon financimin e

Qartazi, Endrit Shabani ka abuzuar duke përdorur logon e ambasadës britanike për projekte, të cilat janë të natyrës nga OJF dhe zhvillojnë demokracinë e brendshme të partive.

 

Kështu, Shabani është kapur duke gënjyer haptazi, pasi ambasada britanike mohon të ketë financuar Akademinë Politike të “Nismës Thurje”./ CNA





Lajmet e fundit nga