"Inceneratori i Elbasanit në remont"/ Boçi thirrje SPAK-ut të rihapë hetimet

2 Prill 2023, 16:35, Denoncim CNA

"Inceneratori i Elbasanit në remont"/ Boçi thirrje SPAK-ut

Kandidati i Partisë Demokratike për Bashkinë e Elbasanit, Luçiano Bocika deklaruar se SPAK duhet rihapë hetimet në lidhje me inceneratorin e Elbasanit, pasi sipas Boçit provat sipas tij janë evidente.

Boçi shprehet se kostoja reale që paguajnë qytetarët është 52 mijë lekë, ndërsa Bashkia e Elbasanit pretendon se për djegien e një kilogrami mbetje është 25 mijë lekë.

Ai u shpreh gjithashtu se kostoja e vërtetë për momentin është vetëm 9 mijë lekë, pasi asnjë kilogram mbetje nuk digjen duke theksuar se Inceneratori është i shpallur prej një viti në remont.

“Elbasani rrezikon një katastrofë ekologjike ndërsa ky mal me plehra i ka rrëmbyer qytetarëve të Elbasanit 27 milionë euro. Dhe nuk mbaron me kaq. Qytetarët e Elbasanit, grabiten çdo ditë nga Bashkia Elbasan, kryetari i Bashkisë dhe nga ky incenerator
Një investigim i kryer së fundmi nxjerr në pah koston reale që paguajnë për ton

qytetarët e Elbasanit. Kjo kosto është 52 mijë lekë. Ndërkohë Kryetari i Bashkisë dhe Këshilli Bashkiak pretendojnë dhe mashtrojnë opinionin publik me një vendim, sipas të cilit qytetarët e Elbasanit paguajnë 25 mijë lekë. Por a e dini se në fakt kosto reale është vetëm 9 mijë lekë sepse në Incenerator, nuk digjet asnjë kilogram plehra.

Pjesa tjetër e parave përdoret edhe për të blerë votat.

SPAK të rihapë hetimet, ja ku i ka faktet.

Bashkia prej një viti deklaron se inceneratori është në remont, të rinisë hetimi, të vihet para përgjegjësisë zinxhiri qeveritar dhe bashkiak”, shkruan Boçi./CNA