LEXO PA REKLAMA!

SHKARKO APP

Një përgjigje me disa fakte administratorit të landfillit të Tiranës

9 Prill 2023, 18:24, Aktualitet CNA

Një përgjigje me disa fakte administratorit të landfillit të

Në një intervistë të dhënë dje në MCN TV, (të cilën mund ta gjeni duke klikuar këtu), administratori i inceneratorit të Tiranës, Herman Daniel Vermulen ka theksuar se paratë që shkojnë për këtë landfill apo për përpunimin e mbetjeve të Tiranës, nuk shkojnë tek personat në kërkim siç janë Klodian Zoto, Mirel Mërtiri apo Ciaffaglione.

Pa shkuar më tej tek fakti tjetër i akuzave politike, ku propaganda e paguar nga njerëzit e inceneratorëve kërkon të qarkullohet sikur është ngjarje politike e denoncuar nga Monika Kryemadhi dhe LSI dhe si e tillë nuk ka vlerë.

Në fakt, administrator i kompanisë ka nxjerrë të dhënat e tij, por ne po nxjerrim një dokument të publikuar një javë më parë, një kompani që tregon se kompania “Geogenix" ka punësuar dhe ka paguar për Mirel Mërtirin, pa harruar edhe të tjerë që janë publikuar vazhdimisht.

Dokumenti e tregon është firmosur edhe nga Mirel Mërtiri, se si “Geogenix” punëson, siguron dhe dokumentacionin e Mirel Mërtirit, për të cilin administratori thotë se lekët e kompanisë nuk shkojnë për të.

Mirel Mërtiri është marrë në punë nga kompania “Geogenix” dhe janë nxjerr dokumenta siç duket edhe pasi është shpallur në kërkim. Mirel Mërtiri është shpallur në kërkim rreth muajt nëntor-tetor, ndërkohë që dokumenti që ka siguruar lejen e qëndrimit në Holandë, ku punëdhënësi është kompania “Geogenix” është në muajin dhjetor.

Një përgjigje me disa fakte administratorit të landfillit tëNjë përgjigje me disa fakte administratorit të landfillit tëNjë përgjigje me disa fakte administratorit të landfillit të

Pra, kompania nuk mund të thotë që nuk paguan njerëzit e inceneratorëve që janë Klodian Zoto, Mirel Mërtiri dhe Stela Gugallja apo Caffalione. Kompania e inceneratorit të Tiranës nuk mund të gënjejë kaq hapur pasi është fakt që e kanë pasur të punësuar të paktën deri në dhjetor edhe pasi është shpallur në kërkim, Mirel Mërtiri. Më parë kanë paguar me qindra, mijëra dollarë ndoshta edhe me miliona, Klodian Zoton dhe bashkëjetuesen e Mirel Mërtirit, Stela Gugallen në kompani konsulence.

Pa folur më tej, për faktin se Klodian Zoto dhe Mirel Mërtiri ishin personat që rrinin gjatë gjithë kohës me Giuseppe Ciaffaglionen tek inceneratori i Tiranës.

Një përgjigje me disa fakte administratorit të landfillit të

Administratori thotë se nuk shkojnë paratë për personat në kërkim, por Giuseppe Caffaglione ështe një person në kërkim, ishte administrator i kompanisë dhe kompania “Geogenix”, sipas shkrimit që e keni në linkun e mëposhtëm, i ka paguar Giuessepe Caffagliones gjyqin në Itali, pasi kërkohet nga SPAK në Tiranë.

Pra u bën dy raste të paktën dhe i treti pagesat pa fund që i janë dhënë Klodian Zotos dhe Mirel Mërtirit janë bërë publike me dhjetra herë dhe i katërti fakti që Mireli dhe Klodian Zoto sëbashku me Caffaglionen, administronin e inceneratorit, landfillin e Tiranës. Për këtë ka foto që ne e treguam dhe më lartë, por ka dhe dokumenta. Mjafton të merren tabulatet dhe e-mailet e Klodian Zotos të cilat tregojnë se deri vonë ai ishte njeriu kryesor ne menaxhimin e inceneratorit të Tiranës.

Faktet

Mjafton të shohim dokumentin e publikuar nga Belind Këlliçi për Carlo Bollinon, botuesin e “Report Tv”, ku thuhet , “në rregull” nga Klodian Zoto të bëhet pagesa, pasi është çuar në e-mail drejt kompanisë së inceneratorit për një faturë të shtuar, pasi ishte shtuar për shkak të fushatës, nuk dihet çfarë fushate.

Një përgjigje me disa fakte administratorit të landfillit tëNjë përgjigje me disa fakte administratorit të landfillit të

Pra janë të shumta detajet që tregojnë se Mirel Mërtiri, Klodian Zoto, Giuseppe Caffaglione etj, kanë qenë njerëzit kryesor të inceneratorit të Tiranës. Tashmë mund t’i kenë zhdukur gjurmët e tyre, pra mos të figurojnë më në letra si aksioner, pasi këto njihen si truke për të shpëtuar nga një hetim, nga një ndjekje penale dhe që investimi mos të ketë pasoja vendosen emra të tjerë. Por kjo është një gjë që i përket prokurorisë. Ne renditëm faktet që tregojnë se kompania e inceneratorit të Tiranës ka paguar Mirel Mërtirin, Klodian Zoton, Stela Gugallen dhe Giueseppe Caffaglionen, ky i fundit është ende dhe person në kërkim.

Klodian Zoto ka qenë i lidhur me inceneratorin e Tiranës dhe siç njihet nga dokumentet e vitit 2016 publikuar nga CNA, është themelues i kompanisë, më pas kanë hyrë të tjerë.

Ka hyrë Caffaglione, kanë hyrë kompani të tjera, kanë lëvizur emrat, por kjo i përket një tjetër fakti siç është përmendur dhe më lartë që i takon prokurorisë dhe SPAK-ut ta hetojë për të nxjerrë gjurmet e vërteta se ku shkojnë tentakulat e inceneratorëve.

Mirë do ishte që SPAK t’i kontrrollonte e-mailet dhe telefonin ketij zotërisë apo kolegëve dhe aksionerëve të kompanisë, aty Mirel Mërtiri gjendet së bashku edhe me persona të tjerë në Tiranë.

Por fakti është që inceneratori i Tiranës edhe pse po përpiqet të mohojë lidhjet me Klodian Zoton dhe Mirel Mërtirin, ato i ka, ekzistojnë dhe janë plota me të tre njerëzit kryesor të inceneratorëve, ku është Klodian Zoto, Mirel Mërtiri dhe bashkëjetuesja e tij, Stela Gugallja, tashmë persona në kërkim ndërkombëtar, sëbashku dhe me Giuseppe Caffaglionen, një nga aksionerët kryesorë të kompanisë “Geogenix” , i cili është në kërkim ndërkombëtar, por po zhvillon një proces gjyqësor në Itali për mosekstradim.

Çfarë do thoni zoti administrator në rast se publikohen dokumenta që “Geogenix”, kompania mëmë e juaja, paguan rregullisht dhe së fundmi shtetasin në kërkim ndërkombëtar Mirel Mertiri ?/CNA.al

 

Lajmet e fundit nga