LEXO PA REKLAMA!

SHKARKO APP

Besimtarët katolikë kremtojnë Pashkën/ Mesazhi i Imzot Arjan Dodajt

9 Prill 2023, 08:39, Aktualitet CNA
Besimtarët katolikë kremtojnë Pashkën/ Mesazhi i Imzot Arjan
Foto ilustruese

Besimtarët katolikë kremtojnë sot ditën e Ringjalljes së Krishtit.

Pas mesnate, në të gjitha kishat katolike të vendit është mbajtur mesha e shenjtë e vigjiljes së Pashkëve, me ritet përkatëse.

Besimtarët katolikë kanë ndjekur meshën e shenjtë, e cila drejtohet nga kreu i Kishës Katolike në Shqipëri, Imzot Arjan Dodaj.

Imzot Arjan Dodaj tha se mesazhi i Krishtit të ringjallur vjen në një moment kur bota ka më shumë nevojë.

"Falë Krishtit jemi bërë më të fortë sesa nata. Sa shumë dëshirojmë ta ndezim këtë zjarr në natën e errët. Që nxiti korrupsionin, largimin e të rinjve, dhunën ndaj grave. Sa dëshiroj të ndez një zjarr të ri që të mos kenë një utopi në familje, që të kenë sa më shumë fëmijë e të kenë një shtëpi. Gratë shikojnë te varri të nxitura nga dashuria për zotin.

Zoti nuk është në varr, as në kujtesë, Zoti është para nesh e na prin me hirin e tij, të aftë që të rilindim. Edhe ne, duke rikujtuar pagëzimin tonë, ripërtërijmë reformat tona pagëzimore. Di, të rifilloj me gjeste shprese, se themelore është që sistemi i jetës politike, drejtësisë, shëndetit dhe arsimit të ketë vetëdijen që përgjegjësia s’është administrative dhe kushtetuese, por ndërgjegje.

...Sa fisnike e delikate e kësaj përgjegjësie që iu ka besuar Zoti. Në këtë natë, dritës së vogël, por fitimtare, i jemi bashkuar për të ndjekur Jezusin që na paraprin. Në vigjiljet e Pashkës përjetojmë shpërthimin e britmës plot gëzim se është mundur vdekja", tha imzot Arjan Dodaj./ CNA.al

Lajmet e fundit nga