web counter
LEXO PA REKLAMA!

SHKARKO APP

App Store
Google Play

Rama jep lajmin/ Rrit pagat për mësuesit, pedagogët dhe infermierët

7 Prill 2023, 10:58, Aktualitet CNA
Rama jep lajmin/ Rrit pagat për mësuesit, pedagogët dhe
Kryeministri Edi Rama

Kryeministri Edi Rama, pas mbledhjes së qeverisë, ka bërë me dije se do të rriten pagat për mësuesit, pedagogët dhe infermierët. 

“Në arsimin bazë do të shkojnë nga 74 mijë deri në 95 mijë lekë të rinj. Këto janë shifra bazë, pastaj kohëzgjatja e viteve të punës është çështje tjetër.

Është koha t'u bëj një rritje pedagogëve me 20% duke u dhënë diskrecion të shkojnë deri në 30%. Ndërsa infermierët do të kapin një bazë prej 87 mijë lekësh të rinj”, tha Rama.

Më tej, kreu i qeverisë tha se brenda harkut kohor të një viti, paga mesatare në vend do të shkojë 900 euro.

Reforma e rritjes së pagave, do të prekë edhe sektorë të tjerë, duke nisur nga pedagogët e mësuesit, tek infermierët, zjarrfikësit, si edhe policinë e Shtetit, Burgjeve dhe punonjësit e Gardës.

Kryeministri Rama theksoi se paga mesatare nga 563 euro që është aktualisht do të shkojë në 900 euro. /CNA.al





Lajmet e fundit nga