web counter
LEXO PA REKLAMA!

SHKARKO APP

App Store
Google Play

Arbitrazhi vendosi në favor të Becchettit/ Si e parashikoi Goxhaj vendimin 8 vjet më parë

6 Prill 2023, 19:44, Aktualitet CNA
Arbitrazhi vendosi në favor të Becchettit/ Si e parashikoi Goxhaj
Avokati Altin Goxhaj

Ditën e djeshme, Gjykata e Arbitrazhit rrëzoi kërkesën për rikthimin e çështjes së “Becchetti"-t, duke lënë kështu në fuqi dëmshpërblimin prej 110 milionë eurosh që Shqipëria duhet të paguajë ndaj pronarit të “Agon Channel”.

Ky vendim i Gjykatës së Arbitrazhit ishte parashikuar 8 vite më parë nga avokati Altin Goxhaj gjatë një interviste në “Agon Channel”, një javë para se ky televizion të mbyllej.

Konkretisht në 28 shtator të 2015-ës, Goxhaj tha se “Agon Channel” do të mbyllej dhe Gjykata e Arbitrazhit do të vendoste në favor të biznesmenit italian, Francesko Becchetti.

Gjithashtu ai deklaroi se gjykata do kërkonte që Shqipëria ta dëmshpërblente biznesmenin italian me 100 milionë euro.

“Parashikimi i Goxhaj 8 vjet më parë: Becchetti do fitojë në Arbitrazhin e OKB-së 100 milionë euro

(ndërsa shqiptarët do u kthehen skafeve në Eksodin më të madh në Histori sepse kjo është Axhenda Soros)

28 Shtator 2015, Avokati Goxhaj si Kasandra në “Agon Channel” me Sonila Meco dhe Andi Bejtja:

E mbani mend 8 vjet më parë intervistën time me Sonilën 1 javë para se të mbyllej “Agon Channel” (e parashikova edhe mbylljen brenda javës megjithëse Sonila nuk e besonte)?

Ishte koha e censurës absolute ndaj meje sepse “Fax Neës” nuk ishte hapur ende. Aty parashikova edhe shifrën prej 100 milionë euro që do fitonte Becchetti në Gjykatën e Arbitrazhit të OKB-së dhe që do e paguanim ne!

Po ashtu "e trullosa krejt" Sonilën që besonte ende se Evropa nuk do ta lejonte, duke i shpjeguar agjendën e shpopullimit të Shqipërisë, e cila rikthente shqiptarët në eksod me skafet e harruara, shumë më tepër se dikur!

Por parashikova fatkeqësisht dhe se kjo agjendë nuk do të ndalonte sepse s'do kishte kush ta ndalonte as në të ardhmen... Siç po ndodh!!!”, shkruan Goxhaj në rrjetet sociale./ CNA.al





Lajmet e fundit nga