LEXO PA REKLAMA!

SHKARKO APP

Fotot-Yuri Kim viziton disa qytete në veri të Shqipërisë/ Takim me pronarë të bizneseve

6 Prill 2023, 14:46, Aktualitet CNA
Fotot-Yuri Kim viziton disa qytete në veri të Shqipërisë/
Foto ilustruese

Ambasadorja e SHBA-së në Tiranë, Yuri Kim, ka vizituar disa qytete në veriun e Shqipërisë, duke nisur nga Klosi, Mati, Vau i Dejës, Shkodra, Puka, Fushë-Arrëzi e të tjera.

Ajo ka zhvilluar takim me qytetarë të thjeshtë, por edhe me njerëz të biznesit në këto qytete.

 “Ambasadorja e SHBA Yuri Kim vizitoi këtë javë shtatë bashki në veri Klos, Mat, Mirditë, Shkodër, Vau i Dejës, Pukë dhe Fushë-Arrëz  si pjesë e udhëtimeve të saj për t'u takuar me shqiptarë nga çdo cep i vendit.

Ambasadorja pati mundësinë të njihej me njerëz nga shumë sfera të jetës, nga udhëheqës të komunitetit si Dom Gjergj Meta, te mësues, nxënës dhe të rinj që po mësojnë anglisht përmes nismave të mbështetura nga ambasada dhe po punojnë për të përmirësuar komunitetet e tyre. Të rinjtë dhe pronarët e bizneseve ndanë traditat e pasura kulturore të rajonit. Ata ndanë gjithashtu shqetësimet e tyre si dhe shpresat për të ardhmen.

Ambasadorja Kim i bëri një nderim të veçantë Musine Kokalarit dhe Marie Tucit, si dhe të tjerëve që i rezistuan komunizmit në emër të lirisë dhe dinjitetit. Ajo vizitoi edhe kishën e Shën Mërisë, ku kujdestari Pashuk Deja i rrëfeu për të kaluarën e saj plot histori.

Në Fushë Arrëz, Ambasadorja u takua me një vullnetar të Korpusit të Paqes që jeton atje për të dëgjuar për punën që ai po bën me komunitetin lokal”, thuhet në postimin e ambasadës./ CNA.al

Lajmet e fundit nga