Gjatë 35 viteve të fundit Shqipëria u përball vazhdimisht ...
Akuzat/ "Top Channel" ka mashtruar dhe falsifikuar për dëmshpërblim financiar
4 Prill 2023, 18:56, AktualitetCNA
Godina e "Top Channel"
Deputetja e PL-së, Monika Kryemadhi i është përgjigjur akuzave të “Top Channel” për përfshirjen e saj në parajsat fiskale në Rusi, me një padi penale kundrejt televizionit.
Në një intervistë për gazetaren Sonila Meço, Kryemadhi ka theskuar se nuk ka asnjë llogari bankare, as biznese dhe as kompani offshore jashtë Shqipërisë.
Sipas saj këto akuza janë ngritur nga televizioni i paguar nga inceneratori i Tiranës pasi duan të hedhin baltë mbi të vërtetën.
Kryemadhi ka theksuar se Top Channel ka mashtruar dhe falsifikuar për përfshirjen e saj në kompanitë offshore ruse për të marrë dëmshpërblime financiare.
Ajo përmendi sërish faktin që "Top News" është marrë me qira nga Mirel Mërtiri personi që njihet si truri i aferës së inceneratorit të Tiranës.
Ndër të tjera ajo tregoi hapur se si televizioni i korruptuar me paratë e inceneratorëve nxjerr gazetarën e tij për të marrë në pyetje pronarin e Mirel Mërtirit.
“Nuk kam asnjë llogari bankare, as biznes, as offshore jashtë Shqipërisë. Unë kam llogari bankare vetëm te Banka Credins, bankë shqiptare, kam qenë subjekt i deklarimit të pasurive. Unë do çoj për padi penale televizionin Top Channel që ka mashtruar dhe ka falsifikuar e përdorur...për dëmshpërblim financiar, padi civile sepse me sa duket ashtu siç vendosa standard të ri për inceneratorët që nuk mund të shkosh dhe të bësh baltë dhe duke hedhur batuta, siç po ndodh sot nga PS. Drejtori i BB thotë po të ikën rinia dhe është shumë keq për ekonominë tënde, do shkosh gropë, ai nxjerr gazetaren e Tv të Mirel Mërtirit për t'iu bërë pyetje pronarit të Mirel Mërtirit. Top Neës është marrë me qira nga Mirel Mërtiri. Unë do përballem në gjykatë me këta", tha ajo./CNA.al
