web counter
LEXO PA REKLAMA!

SHKARKO APP

App Store
Google Play

E fundit!

x

Akuzat për paratë ruse/ Kryemadhi: S’kam llogari dhe as marrëdhënie biznesi jashtë Shqipërisë

31 Mars 2023, 16:36, Politikë CNA
Akuzat për paratë ruse/ Kryemadhi: S’kam llogari dhe as
Deputetja e Partisë së Lirisë, Monika Kryemadhi

Deputetja e Partisë së Lirisë, Monika Kryemadhi, ka reaguar për akuzat se ka marrë para dhe ka lidhje me politikanë apo biznesmenë rusë, pranë presidentit Vladimir Putin.

Në një deklaratë për shtyp, Kryemadhi tha se shkrimet kundër saj filluan fill pas një artikulli të Projektit Ndërkombëtar për Raportimit e Krimit të Organizuar dhe Korrupsionit për një organizatë izraelite, e cila ishte përfshirë në një fushatë baltosjeje kundër kundërshtarit politik të presidentit të Serbisë duke falsifikuar dokumenta bankare.

Ajo tha se raporti është falsifikuar nga një ekspert izraelit i eksplozivëve, Tal Hanan, dhe pretendon se ky person është përdorur nga kryeministri Edi Rama për të bërë shkrimet kundër saj.

“Gjashtë ditë më vonë, gazetat pro-qeveritare serbe filluan të botonin histori rreth llogarive të supozuara të kundërshtarit të Vuçiçit në offshore.

Për dy javë, akuzat për milionat e supozuara të kundërshtarit të Vuçiçit dominuan titujt kryesorë të gazetave. Gazetarët pohuan se kishin prova se llogaritë ekzistonin, komentuesit u shprehën se kishte  pastrim  parash dhe evazion fiskal, ndërsa zyrtarët kërcënuan me pasoja.

Dëshmitë e mbledhura nga OCCRP dhe partnerët e saj raportues sugjerojnë se raporti i falsifikuar i bankës është krijuar nga Tal Hanan, një ekspert izraelit i eksplozivëve që shet shërbime dezinformimi.”

Pra është ky grup, që quhet “Team Jorge”, i cili është botërisht i njohur si një falsifikator dhe prodhues dezinformimi për të mbajtur në këmbë autokratët.

“Team Jorge” e liderit Tal Hanan, ka një aktivitet të gjerë në ballkan dhe Tal Hanan është një emër i njohur edhe për organet e sigurisë të vendeve tona partnere.

Ka disa burime të cilat i besoj, më kanë krijuar bindjen se Edi Rama, shoku i ngushtë i planeve ballkanike me Aleksandër Vuçiç, mund të ketë përdorur të njejtat shërbime të Izraelitit Tal Hanan, për të prodhuar edhe fushatën e shpifjeve kundër emrit tim, që ka xhiruar në gojën e qeveritarëve dhe mediat e lidhura me ta këto ditët e fundit”, u shpreh ajo.

Sipas Kryemadhit, sulmet ndaj saj lidhen me denoncimet që ajo ka bërë për aferën e inceneratorëve.

Ajo tha se nuk ka patur dhe nuk ka asnjë llogari bankare jashtë territorit të Shqipërisë dhe asnjë marrëdhënie biznesi.

“Unë dua të sqaroj përpara opinionit publik, se Monika Kryemadhi, nuk ka patur dhe nuk ka asnjë llogari bankare jashtë territorit të Shqipërisë.  Dua t’ju konfirmoj, se nuk kam asnjë marrëdhënie biznesi jashtë territorit të Shqipërisë. Si dhe nuk kam qenë kurrë aksionere në asnjë kompani private, as brenda, as jashtë vendit, në jetën time.

Arsyeja e angazhimit nga Edi Rama, të shërbimeve të ngjashme me ato që Tal Hanan ka ofruar në shërbim të Vuçiçit të Serbi, siç e deklaron OCCRP, kanë të bëjnë vetëm me një gjë: Inceneratorët!

Unë si kallëzuese e inceneratorëve, nuk i kthehem pas kallëzimeve të mija, për faktet flagrante të shkeljes së ligjit nga Edi Rama, Erion Veliaj, Armando Subashi, dhe të gjithë zyrtarët e zinxhirit të këtij grupi mafioz.

Për të gjithë shqiptarët, dua ta dini se këto shërbime të dezinformacionit janë të gjitha të financuara nga paratë tuaja.  Ndaj paratë për inceneratorët nuk ndalojnë. Sepse ndaj, Erion Veliaj paguan cdo ditë inceneratorin e Tiranës, që ju e keni parë me video se Aty mbetjet as nuk trajtohen, as nuk digje, por vetëm hidhen kapic në mënyrë primitive. Sepse, me paratë që Erion Veliaj paguan inceneratorin e Tiranës, blihen media kombëtare brenda vendit dhe kontraktorë të botës së errët që ofrojnë shërbime nga më të dyshimtat”, deklaroi deputetja.

Gjithashtu, Kryemadhi paralajmëroi se të gjithë mediat e paguara nga inceneratorët që kanë nxjerrë lajmet kundër saj do t’i padisë në gjykatë.

“Megjithatë, ju rikujtoj edhe njëherë se, me artikujt, mediat, televizionet që ushqehen me paratë e vjedhura nga shqiptarët, do të shihemi në gjykatë. Ndërsa për Edi Ramën, të jeni të sigurtë se ai e di shumë mirë se çfarë e pret.

Ashtu siç i kam përmendur e para në Shqipëri marrrëdhënien dhe investimigimin e McGonigal, në 15 shtator 2022 në emisionin ‘Opinion’, ashtu do të dali e vërteta edhe për Izraeltitët e Ramës, me fushatën shumë të dobët të dezinformimit, kundër meje dhe opozitës shqiptare, me anë të së cilës ai kërkon në dëshpërim të shpëtojë veten e tij!”, nënvizoi Kryemdhi./ CNA.al





Lajmet e fundit nga