web counter
LEXO PA REKLAMA!

SHKARKO APP

App Store
Google Play

Hapet kopshti më i ri në Tiranë/ Veliaj zbulon planin e bashkisë për lagjet e kryeqytetit

31 Mars 2023, 14:22, Politikë CNA

Hapet kopshti më i ri në Tiranë/ Veliaj zbulon planin e

Kryebashkiaku i Tiranës gjatë inugurimit të kopshtit më të ri,i cili ndodhet pranë sheshit “Shqiponja”, tha se kjo zonë e ka pasur të nevojshme pasjen e një shkolle dhe të një kopshti.

“Sot shkolla e re 'Andrea Stefani', e cila është ngjitur me kopshtin 'Pema e Miqësisë', krijon mundësinë që fëmijët, sapo të mbarojnë kopshtin, të shkojnë direkt në klasë të parë. Kur mendohet se fëmijëve u duhej të shkonin në çerdhe, kopsht dhe shkolla jashtë njësisë, sot kjo duket si përrallë nga e kaluara. Fakti që fëmijët i aksesojnë në një ndërtesë, me dy hyrje të ndryshme, është diçka e jashtëzakonshme”, tha Veliaj.

Ndër të tjera, Veliaj zbuloi planin që ka Bashkia e Tiranës për shtimin e kopshteve të tjera.

“Plani që kemi me drejtorinë e kopshteve është të vazhdojmë përgjatë Unazës, siç jemi këtu te sheshi ‘Shqiponja’, të vazhdojmë përgjatë Astirit, pastaj te 'Liqeni i Thatë', në lagjen 13, ku kemi institucionet e tjera, si një kopsht të integruar me shkollë te pjesa e Kopshtit Botanik, dhe një kopsht të integruar me shkollë te Parku Olimpik. Prapë vazhdojmë në Unazë, deri në Sauk, aty ku kemi edhe dy shkolla të tjera, një tek ish-Spitali i Arabit dhe tjetra nga ana tjetër e rrugës, aty ku është Akademia e Policisë dhe kemi një terren të madh”, sqaroi ai./CNA

 





Lajmet e fundit nga