web counter
LEXO PA REKLAMA!

SHKARKO APP

App Store
Google Play

E fundit!

x

Skandalozët e “JOQ” dhe “Lolitës”, gjoba bizneseve/ Veliaj, thirrje organeve ligjzbatuese: Merruni me këtë çështje

31 Mars 2023, 15:05, Politikë CNA

Skandalozët e “JOQ” dhe “Lolitës”, gjoba

“JOQ” dhe “Lolita”, dy faqet të vetëquajtura “media”, u vendosin gjoba bizneseve duke përdorur skenare skandaloze.

Ndërkohë, kryebashkiaku Erion Veliaj i ka denoncuar sërish këto skenare, ku akuzon “JOQ” dhe “Lolitën” se kanë vjedhur miliona euro përmes shantazheve dhe gjobave.

Për këtë arsye Veliaj është shprehur se ka denoncuar skandalin e mediave gjobëvënëse dhe ka theksuar se drejtësia është vënë në lëvizje pas denoncimit të tij.

Ai u bën thirrje organeve ligjzbatuese që të veprojnë dhe të merren seriozisht me çështjen.

Ndër të tjera nënvizon se ka dorëzuar tek organet e drejtësisë materiale që tregojnë për gjobat e dy të ashtuquajturave media si “JOQ” dhe “Lolita”.

Gjithashtu Veliaj ka theksuar se gjobat e vendosura nga Anisa Çeka dhe Erald Balliu janë të patolerueshme, duke i cilësuar ata si njerëz me kapuç digjital që po vjedhin miliona euro.

“Problemi është që ky është një sekret publik, të gjithë e dinë por askush nuk pronocohet. Një trafikant droge nuk duhet të ketë valë transmetimi.

Me sa informacion kam drejtësia është vënë në lëvizje.

Veprimi i Anisa Çakës dhe Erald Balliu që vënë gjoba është e patolerueshme. E keni tepruar, është haram kjo që po bëni. Po u vidhni njerëzve. I kam kërkuar policisë dhe kam çuar kërkesë në Prokurori. U bëj thirrje organeve ligjzbatuese që të merren seriozisht me këtë punë.

Gjobvënia duhet të largohet nga Tirana. Unë do ta fitoj këtë betejë dhe gjobvënia duhet të marrë fund”, u shpreh Veliaj./CNA





Lajmet e fundit nga