E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Ku e kopjuan Rama dhe Berisha "podcast"-in?

4 Prill 2023, 12:30, Aktualitet CNA

Ku e kopjuan Rama dhe Berisha "podcast"-in?

Foto ilustruese

Kryeminsitri dhe ish-kryeministri kanë dalë ditët e fundit me një lëvizje të re komunikuese.

Sapo Rama ka shpallur "podcast"-in e tij, menjëherë është përgjigjur Berisha, i cili tha se kryeministri ia ka vjedhur këtë ide, ish-kryeministrit që e kishte përgatitur më parë.

Kryeministri Rama në fakt njoftoi se do të bënte një "podcast", pra një komunikim me publikun me personazhe të ndryshme nga jeta e politikës, artit, e të tjerë, ndërsa Berisha formën e tij të komunikimit e kishte jo politike.

Gjithsesi, "podcast"-et janë një mënyrë e re që përdoren në komunikim nëpërmjet rrjeteve sociale, ku ftohen njerëz, diskutime, debate e të tjera si këto. Mesa duket edhe Rama, i cili njihet si një gazetar i talentuar dhe Doktori si një mjeshtër i fjalës dhe debatit, të krijojnë komunikim në një formë tjetër.

Ku e kopjuan Rama dhe Berisha "podcast"-in?

Po ku e gjetën këtë stil, ku e zbuluan? Janë vetë autorët apo kanë kopjuar dikë?

Në Shqipëri dy kanë qenë personazhet e parë të "podcast"-it.

E para, gazetarja Mira Kazhani dhe i dyti politikani Ditmir Bushati, ish-ministër i Jashtëm.

Në fakt ngjasojnë me Berishën dhe Ramën. Duke qenë se Berisha tha se ishte i pari atëherë duket se është më afër Mira Kazhanit dhe tashmë duhet të presim "podcast"-in e Berishës me Mirën ose anasjelltas.

Nga ana tjetër lind një pyetje. Kur do ta thërrasë Ditmir Bushati, Ramën apo Rama, Ditmir Bushatin, pasi mesa duket është Rama ai që ka kopjuar ish-ministrin e tij?

Do të ishte një "podcast" shumë i bukur duke ditur se dhe Mira nuk është aq "e dashur” me doktor Berishën, por jo vetëm, Ditmir Bushati që dihet se ka qëndrime të forta në lidhje me mënyrën se si duhet të jetë PS dhe si duhet të sillet ajo në qeverisjen e saj.

Thjesht dhe vetëm duhet të durojmë dhe pak për të kuptuar a do të thërrasë Mira, Doktorin apo Doktori, Mirën, Rama, Ditmirin apo Ditmiri, Ramën.

Nuk ka rëndësi kush ka kopjuar kë, rëndësi ka të shohim kur do të ndodhë "podcast"-i dhe cili do të jetë më i miri./ CNA.al