web counter
LEXO PA REKLAMA!

SHKARKO APP

App Store
Google Play

E fundit!

x

Rama, takim me përfaqësuesin e Bankës Botërore/ “Eksportet në Shqipëri në vitin 2022 kanë arritur 4.1 miliardë euro”

4 Prill 2023, 10:37, Aktualitet CNA
Rama, takim me përfaqësuesin e Bankës Botërore/
Kryeministri Edi Rama

Kryeministri Edi Rama, po zhvillon një konferencë me Përfaqësuesit e Bankës Botërore në Shqipëri, Emanuel Salinas.

Gjatë konferencës për shtyp, Rama ka listuar disa nga arritjet e ekonomisë shqiptare, ku mes tyre renditi rekord në eksporte, apo turizëm.

“Kemi hedhur bazat e nevojshme për të bërë një kapërcim në funksion të objektivave tanë ë shpallur në vizionin Shqipëria 2030. Mbani parasysh që të ardhurat për banorë në vit në Shqipëri janë rritur nga 3330 euro kur ne morëm detyrën në 6190 euro sot. 87.5%, gati dyfish.

Për të mos bërë krahasime të tjera, po bëjmë krahasime vetëm me veten dhe vitin para krizës së madhe të pandemisë. Eksportet në Shqipëri në vitin 2022 kanë në arritur 4.1 mld euro. Kjo është Shqipëria që s’ka punë, ku të gjithë ikin, ka vetëm pleq, ka eksportuar 4.1 mld euro në 2022, 57% më shumë se në 2019, falë punës dhe njerëzve të punës. Falë konkretizimit të të gjithë atyre përpjekjeve që kemi bërë në mbështetje të sipërmarrjes dhe për të hapur rrugë të reja për njerëzit që prodhojnë.

Eksportet bujqësore janë rritur me 59% krahasuar me 2019. 1.15 mld industria e tekstileve.

Të ardhurat nga turistët e huaj janë 2.84 mld euro, 36% më shumë se në 2019. Numri i turistëve preku 7.5 mln. Rritja e të ardhurave dy herë më shumë se numri i vizitorëve. Të ardhurat vjetore nga eksporti i shërbimeve në IT në 2022 ishin 156 mln euro. 62% krahasuar me vitin 2019. Investimet e huaja direkte janë rritur 29%, 1.37 mld që është shifra më e lartë e arritur ndonjëherë. Në fund të viti 2019 kishim 4217 ndërmarrje me kapital 100% të huaj, në fund të vitit 2021 kanë operuar 5250", tha Rama./ CNA.al





Lajmet e fundit nga