LEXO PA REKLAMA!

SHKARKO APP

Kompania e landfillit te Tiranës: Kemi investuar 32 milionë euro/ Kanë marrë rreth 90 milionë euro

2 Prill 2023, 20:52, Aktualitet CNA

Kompania e landfillit te Tiranës: Kemi investuar 32 milionë euro/

Implant i Përpunimit të mbetjeve në Tiranë ka reaguar pas akuzave të ngritura nga deputetja e Partisë së Lirisë, Monika Kryemadhi, e cila është shprehur se Landfilli i Sharrës nuk ekziston dhe mbetjet groposen dhe nuk kryhen proceset e përpunimit.

AJo që bie në sy është gjuha e përdorur në deklaratë, e cila duket shumë politike, si e shkruar në zyrat e Rilindjes nga gazetarët dhe mediat që i paguajnë vetë.

Në fakt kompania që po hetohet nga SPAK, është trimëruar duke kërkuar ta bëjë çështjen e skandalit të inceneratorëve politike dhe personale të Kryemadhit. Por raporti i DASH theksoi se mediat në Shqipëri kanë marrë para nga inceneratorët që po hetohen për korrupsion dhe mashtrim.

Implant i Përpunimit të mbetjeve në Tiranë me anë të një postimi në rrjetet sociale është justifikuar, shkruan se Inceneratori i Tiranës është në punë dhe mbetjet trajtohen dhe kryhen proceset e tyre si diferencimi, trajtimi i inerteve, depozitimi dh e incerimi i tyre.

IEBV thekson më tej se ka investuar mbi 32 milionë euro, që prej nisjes së tij. Në fakt mediat dhe ekspertët kanë raportuar se pas 6 vitesh në Tiranë mungon inceneratori, dhe kompania ka përfituar vetëm nga pagesat e qeverisë dhe pushtetit vendor mbi 50 milionë euro, këtu nuk përfshihen të ardhurat që gjenerohen nga bizneset private, të cilat e çojnë totalin e të ardhurave mbi 90 milionë euro.

Dje mbyllte dyert, ka marrë dhjetra miliona euro për incineratorë që nuk ekziston, Bashkëpunon me persona në kërkim si Mirel Mërtiri, Klodian Zoto dhe Stela Gugallja, administratorin e ka në kërkim ndërkombëtar, një tjetër administrator në arrest shtëpie dhe pretendon se është i hapur për këdo, pasi nuk ka lejuar askënd të futet brenda dhe mediat planet i kanë siguruar me dron.

Pa folur për pagesat miliona euro për televizione dhe propagandë, kur shqiptarët e varfër duket të paguajnë miliona euro për një impjant që ska incinerator dhe merr 29 euro/ton, pas folur për sasitë që çohen në landfill.

Kompania e quan shantazh denoncimin e Monika Kryemadhit, kur në fakt afera e inceneratorëve është denoncuar më parë nga media dhe Kryemadhi është shumë e vonuar në qëndrimet e saj megjithëse ka treguar me dokumenta se ka pasur një aferë të madhe korruptive me inceneratorët në SHqipëri.

Kompania koncesionare shprehet e shqetësuar për thirrjet e bëra publikisht që të ndalen pagesat për një incinerator që nuk ekziston. Sipas menaxhuesve të Landfillit, “Anulimi i pagesave, i artikuluar shpesh nga Kryemadhi, synon bllokimin total të këtij procesi, e për pasojë ndotjen masive në këto dy qytete”.

Me bashkëpunëtorë, aksionerë dhe administrator në kërkim ndërkombëtar, kompania i ka bërë thirrje SPAK dhe institucioneve ligjzbatuese që të ndërhyjnë menjëherë për të ndaluar këtë shantazh dhe përndjekje të Monika Kryemadhit dhe forcës politike Partia e Lirisë.

Në fakt më mirë do ishte t’ju bënte thirrje të gjithëve nga Mirel Mertiri, Klodian Zoto, Stela Gugallja, aksionerit Cafalione etj të dorëzohen në SPAK e të bëhen të penduar të drejtësisë.

Gjithashtu do ishte mirë të tregonte kjo kompani pse ka paguar miliona euro për propagandë në media që i përdor për shantazhe ndaj SPAK dhe prokurorëve që po hetojnë aferën./CNA

 

Lajmet e fundit nga