LEXO PA REKLAMA!

SHKARKO APP

22 mijë shqiptarë kanë marrë viza 10-vjeçare për të udhëtuar drejt SHBA-së/ Mesazhi i Yuri Kim

31 Mars 2023, 11:41, Aktualitet CNA
22 mijë shqiptarë kanë marrë viza 10-vjeçare për
Foto ilustruese

Sot bëhet 1 vit nga lëshimi i vizave 10-vjeçare joemigruese për turizëm dhe biznes për qytetarët shqiptarë.

Sipas njoftimit nga ambasadorja amerikane Yuri Kim, më shumë se 22 mijë shqiptarë kanë marrë viza.

Kim bëri me dije se nëse respektohen rregullat e vizave më shumë qytetarë do të kenë mundësi të udhëtojnë drejt SHBA-së.

“Sot bëhet një vit që kur ambasada e SHBA-së nisi lëshimin e vizave 10-vjeçare joemigruese për turizëm dhe biznes për qytetarët shqiptarë. Më shumë se 22,000 shqiptarë kanë marrë viza që atëherë - dy herë më shumë se çdo vit tjetër. Ambasadorja Kim i dorëzoi dje vizën njërës prej këtyre aplikantëve. Ajo i tha një grupi aplikantësh se ndërsa respektohen rregullat e vizave, më shumë shqiptarë do të kenë mundësinë të udhëtojnë në Shtetet e Bashkuara për pushime, të vizitojnë miqtë dhe familjen dhe të krijojnë marrëdhënie biznesi”, thotë Yuri Kim./ CNA.al

Lajmet e fundit nga