web counter
LEXO PA REKLAMA!

SHKARKO APP

App Store
Google Play

“Kemi nevojë për punonjës në ndërtim”/ Ambasadori britanik, mesazh shqiptarëve

28 Mars 2023, 22:52, Aktualitet CNA
“Kemi nevojë për punonjës në ndërtim”/
Ambasadori i Britanisë së Madhe, Alastair King-Smith

Ambasadori i Britanisë së Madhe, Alastair King-Smith, ka dhënë mbrëmjen e sotme një mesazh për shqiptarët.

Alastair King-Smith tha në një intervistë me Erla Mëhillin se Britania ka nevojë për punonjës në sektorin e ndërtimit.

Për këtë arsye, ai i bëri thirrje shqiptarëve të aplikojnë për viza në mënyrë ligjore dhe të mos shkojnë në mënyrë ilegale.

“Ju e keni dëgjuar thirrjen time dhe qeveria britanike e ka bërë të qartë. Ata të cilët kërkojnë të shkojnë drejt Mbretërisë së Bashkuar duhet të aplikojnë për viza. Ende nuk besohet por vitin e kaluar mbi 90% e aplikantëve kanë marrë vizat e tyre. Njerëzit ende besojnë se të marrësh një vizë britanike është tejet e vështirë. Derisa mund të përgjigjesh me ndershmëri pyetjeve të sistemit online për aplikim, mbështetur edhe me dokumentacionin që kërkohet nuk ka mundësi për refuzim, prandaj 90% arrijnë të përfitojnë viza.

Kjo shifër përfshin jo vetëm viza turistike apo studentore, por edhe viza pune. Unë do të doja të shihja me tepër aplikime për viza pune dhe që shqiptarët të punojnë në mënyrë efektive. Përpara 10 ditësh, Ministria e Financave britanike, shpalli një numër të vendeve të punës në sektorin e ndërtimit. Kjo do të thotë se një numër i madh shqiptarësh që punojnë në këtë sektor në Mbretërinë e Bashkuar mund të aplikojnë për viza pune. Ne i nxisim njerëzit që të zgjedhin rrugën e ligjshme dhe të mos rrezikojnë në udhëtime të vështira dhe të paligjshme”, u shpreh ambasadori./ CNA.al





Lajmet e fundit nga