LEXO PA REKLAMA!

SHKARKO APP

“Dënojmë me forcë aktin kriminal ndaj Top Channel”/ OSBE, mesazh autoriteteve

27 Mars 2023, 11:56, Aktualitet CNA
“Dënojmë me forcë aktin kriminal ndaj Top Channel”/
Foto ilustruese

OSBE ka dënuar me forcë sulmin kriminal ndaj Top Channel.

Në një reagim, OSBE bën thirrje që autoritetet të zbardhin sa më shpejt ngjarjen dhe autorët të vihen para drejtësisë.

“Dënojmë me forcë sulmin kriminal kundër Top Channel-it dhe shprehim tronditjen dhe ngushëllimet tona të ndjera për familjen dhe kolegët e punonjësit të sigurisë, z. Pal Kola, i cili humbi jetën në krye të detyrës, ndërsa ruante ndërtesën ku bëhet gazetari që i shërben informimit publik.

Një sulm i tillë flagrant kundër medias është sulm flagrant kundër demokracisë.  Prezenca e OSBE-së u bashkohet thirrjeve të zyrtarëve më të lartë të shtetit për një hetim të shpejtë e të plotë të incidentit dhe pret që autorët dhe motivet e plota të këtij sulmi të identifikohen dhe të vihen para drejtësisë”, shkruan OSBE.

Ngjarja e rëndë ka ndodhur pas mesnate. Breshëri plumbash janë qëlluar drejt godinës së Top Channel, ku ka mbetur i vrarë roja i sigurisë, Pal Kola.

Policia ende nuk ka dalë me një deklaratë zyrtare për të bërë me dije më tej motivet e ngjarjes.

Ndërkohë vijon puna për identifikimin apo kapjen e autorëve./ CNA.al

Lajmet e fundit nga