LEXO PA REKLAMA!

SHKARKO APP

“Sulm i rëndë ndaj 'Top Channel'”/ Alibeaj, thirrje organeve ligjzbatuese

27 Mars 2023, 10:55, Aktualitet CNA
“Sulm i rëndë ndaj 'Top Channel'”/ Alibeaj,
Kryetari i Komanduar i PD-së, Enkelejd Alibeaj

Kryetari i Komanduar i PD-së, Enkelejd Alibeaj, ka dënuar ashpër ngjarjen e rëndë ndaj "Top Channel".

Përmes një statusi në rrjetet sociale, Alibeaj shkruan se ky është një sulm ndaj fjalës së lirë dhe ka kërkuar zbardhjen e krimit nga organet ligjzbatuese.

Sulmi me armë ndaj televizionit kombëtar, 'Top Channel' dhe vrasja e rojës së sigurisë është një ngjarje e rëndë dhe akt kriminal të cilin e dënoj me forcë. Ngushëllimet e mia për familjen e punonjësit të sigurisë Pal Kola, që humbi jetën në këtë ngjarje të rëndë. Sulmi i mbrëmshëm është një sulm ndaj medias, fjalës së lirë, por është dhe një sulm i rëndë ndaj sigurisë publike në vend.

Në emër të PD bëj thirrje organeve ligjzbatuese të zbardhin urgjentisht ngjarjen dhe autorët të vihen para drejtësisë. Mbështetje dhe solidaritet për stafin e 'Top Channel'”, shkruan Alibeaj./ CNA.al

Lajmet e fundit nga